何明記麵家餐廳

Open Now

Now Closed

今早去元朗何明記麵家食早餐，餐廳地方寬趟，座位夠多，一入去餐廳就有位坐，唔使等位。餐牌多款早餐任君選擇我點左C豐富早餐($38)，包括有蜜汁义燒配出前一丁公仔麵(加$4)，黄金豬扒配多士(加$1)，凍咖啡(加$3)，合共盛惠$46。蜜汁义燒没有蜜汁味，又没有义燒味，淡而無味。出前一丁公仔麵煮得太淋唔好食，浪費晒，早知只是點普通公仔麵，可以慳返$4。多士份量少得半塊，味道只是多士一塊，唔脆口，烘左等如無烘，早知就唔加烘底，加$1都唔想。豬扒又只是豬扒，無嚟味道。杯凍咖啡正常返少少，似返杯咖啡。 總結，呢餐味道真係麻麻地，有點中伏feel。