Video
Read full review
2021-10-09
1570 views
我身邊有好多朋友都係8月生日，今日輪到同我最好嘅朋友慶祝，佢雖然係處女座，但係完全冇處女座嘅特質😂😂😂，難怪我哋可以做咁多年朋友，今次揀咗時代廣場呢間餐廳同佢慶生，之前喺度食過Lunch 覺得食物質素同環境相當唔錯，只係價錢貴咗啲，呢度係主要食𧐢，海鮮刺身同埋西餐，另外溫馨提示記得訂位，Walk in係唔會有位。▪️鹹蛋黃黑松露薯條 $ 138邪惡之首，全部薯條俾鹹蛋黃包住，但係就冇乜黑松露味道，不過真係好香口好好食既，外面仍然保留香脆，冇比鹹蛋黃醬整到淋哂💛💛但係收$138真係好貴▪️澳洲青口 $198第一次食呢個整青口，餐廳用咗，香茅，越南青檸，檸檬草，檸檬葉，西芹，雞湯，紫蘇油，味道好香香料味，但個湯好清，令到青口好鮮味，同埋青口好大隻，正正💛💛▪️炭燒美國頂級牛肉眼 $428燒得好香炭燒味，牛味都好濃，肥瘦適中，係好味嘅，配菜有兩粒蕃茄，係兩粒😏，同埋一個蒜頭，但係呢個價錢可以食到質素更好嘅牛扒▪️Dr. Wehrheim 2017 $ 98白酒帶輕輕果香，好飲，都係果句$98得三份一杯，真係好鬼孤寒▪️自攜蛋糕切餅費 $150😒條氣真係唔係幾順，但係為咗令朋友開心，冇計🤣🤣
我身邊有好多朋友都係8月生日，今日輪到同我最好嘅朋友慶祝，佢雖然係處女座，但係完全冇處女座嘅特質😂😂😂，難怪我哋可以做咁多年朋友，今次揀咗時代廣場呢間餐廳同佢慶生，之前喺度食過Lunch 覺得食物質素同環境相當唔錯，只係價錢貴咗啲，呢度係主要食𧐢，海鮮刺身同埋西餐，另外溫馨提示記得訂位，Walk in係唔會有位。
▪️鹹蛋黃黑松露薯條 $ 138
邪惡之首，全部薯條俾鹹蛋黃包住，但係就冇乜黑松露味道，不過真係好香口好好食既，外面仍然保留香脆，冇比鹹蛋黃醬整到淋哂💛💛
但係收$138真係好貴
▪️澳洲青口 $198
第一次食呢個整青口，餐廳用咗，香茅，越南青檸，檸檬草，檸檬葉，西芹，雞湯，紫蘇油，味道好香香料味，但個湯好清，令到青口好鮮味，同埋青口好大隻，正正💛💛
▪️炭燒美國頂級牛肉眼 $428
燒得好香炭燒味，牛味都好濃，肥瘦適中，係好味嘅，配菜有兩粒蕃茄，係兩粒😏，同埋一個蒜頭，但係呢個價錢可以食到質素更好嘅牛扒
▪️Dr. Wehrheim 2017 $ 98
白酒帶輕輕果香，好飲，都係果句$98得三份一杯，真係好鬼孤寒
▪️自攜蛋糕切餅費 $150😒
條氣真係唔係幾順，但係為咗令朋友開心，冇計🤣🤣
Post
