米泰 (圍方)

Open Now

Now Closed

今日同朋友嚟到大圍新開嘅呢個商場，人流非常多，週末lunch time時間，每間餐廳都要排隊，我哋揀咗呢間泰國餐廳，但食完覺得有點失望。佢既午市套餐價錢都比較貴，基本上都要$100以上，原本想追加小食，但見到兩串串燒已經40幾蚊，就卻步了。 米泰海鮮冬陰功湯配椰香飯（$118）呢個賣相同味道都OK，冬陰功味正正常常，有啲偏鹹，裏面嘅配料都唔算少，有蝦有青口等等，不過不失。米泰海南雞配椰香飯（$118）呢個就真係有啲失望，首先個湯好鹹，雞嘅份量唔算多，重點係，啲雞一點都唔嫩滑，除咗雞皮係滑嘅之外，雞肉全部都好鞋，令人失望，成個餐最好食係佢個椰香飯。