宗像牛肉屋 (Closed)

開舖第二日上午喺附近工作，唸住lunch應該會排長龍，12點3去到門口竟然無人，即刻走入去，入面坐滿（座位只有十個左右）仲要好鬆動，全部坐bar枱，可能店主唔想太逼，所以間舖大都放咁少位，我見排第一所以決定試下，之後開始好多人黎。新開張運作有啲混亂，等位時偷聽到，雖然只有幾張單，但侍應都搞錯枱號令個廚上錯order，廚師亦整得好慢，所以我都等咗成20分鐘先有得坐。一場來到，又唔知會唔會再來，當然試宗像產牛，有大脾外側加西冷，雙併$268，呢個午餐中環價錢。另外有紐西蘭同安格斯牛，價錢平啲。所有食客可以睇住個廚整，其實啲牛已經整好，個廚放完飯，再放上大脾部分牛，至於西冷由另一個廚翻grill，大約10分鐘就上枱。牛重份量幾大，仲送湯同沙律，再附有蒜片同葱可同牛一齊食，先試牛大脾，有啲靭，牛味唔濃，再試西冷，夠腍但都係無乜牛味，個汁份量唔多，所以有啲淡，建議牛配蒜片食會更香口，個牛重食食下會覺得咬到牙好攰，惟有飲下麵鼓湯中和下。呢個價錢應該唔會再試宗像牛，如果唔使排或者會試安格斯