Video
Read full review
2022-02-19
160 views
Oppa Coffee Bar Restaurant Oppa coffee 應該大家都聽過，喺呢個金巴利街(簡稱香港小韓國)都有一定嘅名氣，但今次嘅體驗就不如理想。 金巴利街，本身都有佢嘅歷史， 大概七十年代中，成條街一間韓式餐廳都冇，只有茶餐廳，五金舖等。後來陸逐續有韓國人去呢度聚居。 大約2003年後，韓國文化深受港人愛戴，於是韓式食店一瞬間就攻陷咗呢條街，亦係我心中韓國人嘅重慶大廈。 當日人流稀少，仲要係星期日，隔離街嗰d都要排隊。餐廳最出名就當然係蛋漿炒飯，其次就有炸雞，紫菜包飯，仲有拉麵/蛋卷/章魚燒等，選擇多元，最好就多D人黎食。話明coffee bar就有埋韓啤，但佢而家就已經冇做咖啡了。 海鮮蛋漿熔岩炒飯$198 價錢當然就有D貴，有一截錢就係比咗去個即場撈飯表演度。店員會將蛋液同芝士加入鐵板，再用火鎗加熱，之後店員就會將飯一拉，就有個大型嘅拉絲效果。每秒都非常之精彩而充滿打卡處(但非常之GIMMICK)。 個飯一入口，飯粒係完全被芝士覆蓋，做成一個光滑嘅表面，滑溜而沒有大量咬口，口感有少少特別。白飯微微香辣，少甜，帶有軟腍紫菜/泡菜，但一個人食一定會膩死。所謂嘅海鮮
Oppa coffee 應該大家都聽過，喺呢個金巴利街(簡稱香港小韓國)都有一定嘅名氣，但今次嘅體驗就不如理想。
金巴利街，本身都有佢嘅歷史， 大概七十年代中，成條街一間韓式餐廳都冇，只有茶餐廳，五金舖等。後來陸逐續有韓國人去呢度聚居。 大約2003年後，韓國文化深受港人愛戴，於是韓式食店一瞬間就攻陷咗呢條街，亦係我心中韓國人嘅重慶大廈。
當日人流稀少，仲要係星期日，隔離街嗰d都要排隊。餐廳最出名就當然係蛋漿炒飯，其次就有炸雞，紫菜包飯，仲有拉麵/蛋卷/章魚燒等，選擇多元，最好就多D人黎食。話明coffee bar就有埋韓啤，但佢而家就已經冇做咖啡了。
海鮮蛋漿熔岩炒飯$198
海鮮蛋漿熔岩炒飯
$198
6 views
0 likes
0 comments
價錢當然就有D貴，有一截錢就係比咗去個即場撈飯表演度。店員會將蛋液同芝士加入鐵板，再用火鎗加熱，之後店員就會將飯一拉，就有個大型嘅拉絲效果。每秒都非常之精彩而充滿打卡處(但非常之GIMMICK)。
海鮮蛋漿熔岩炒飯
$198
11 views
0 likes
0 comments
個飯一入口，飯粒係完全被芝士覆蓋，做成一個光滑嘅表面，滑溜而沒有大量咬口，口感有少少特別。白飯微微香辣，少甜，帶有軟腍紫菜/泡菜，但一個人食一定會膩死。所謂嘅海鮮份量少得稀罕，只有超少指甲size嘅貝肉同魷魚，好在價錢同原味唔係差太遠。
蒜香炸雞$288(half)
蒜香炸雞
$288
6 views
0 likes
0 comments
價錢定位同樣較為進取，但就真係超級失望。炸雞喺撈飯表演嘅時候已經上咗，大約擺咗5分鐘左右，但食第一舊嘅時候，雞皮已經係腍咗，濕咗，完全冇可取之處。正常韓式炸雞即使淋咗汁醬，放咗一陣之後都應該係脆身嘅，但呢個就…
雞肉本身肉質軟嫩多汁，胸位同脾位嘅比例唔會差太多，但雞肉就切得有D奇怪，雞皮都太薄。醬汁蒜香突出，具有蜜糖嘅甜美，我就幾鐘意。薯條一般都唔會響韓式炸雞出現，但最緊要同炸雞一樣，腍咗，好油膩。
辣牛肉湯$188
辣牛肉湯
$188
4 views
0 likes
0 comments
食咗咁多肥膩野，當然要叫返碗湯平衡一吓。湯就幾多吓，辣就唔係太辣，有牛肉嘅鮮味，偏向濃烈，帶有豆辦風味。湯料就有極多蔬菜，全部都軟熟鮮明，牛肉用上腩位，但係非常幼少，幸好就嫩滑唔柴。
但真心cp值好低，唔怪得冇人幫襯啦。你行去隔離街嗰間「韓屋」，同樣係韓國菜，但就已經見到實力嘅懸殊。
Post
