Mr. Steak Buffet à la minute

Open Now

Now Closed

餐廳風格摩登，周圍都掛上燈飾，感覺很有氣派，食個buffet，慶祝今年Crystal wedding🥰！一段時間無黎，呢間餐廳人氣依然。自助晚市可以任食和牛、龍蝦、蟹腳、生蠔、鴨肝、鮑魚同花膠，專食呢幾樣已經回到本，仲有好受歡迎嘅長腳蟹和刺身。龍蝦入口爽口彈牙，肉質鮮甜，真係啖啖都充滿活力，即開生蠔Size適中，隻隻都很飽滿，清洗得乾淨，入口creamy爽滑，帶自然海水味，簡單加點檸檬汁，已經好夠味，質素很不錯。鵝肝係即煎，外面沾上麵包糠，淋上黑醋汁，我哋都食咗好多round。佐賀和牛Juicy又大塊，呢幾款都係我哋高質回本之選。熟食嘅燉湯、豬腳薑、炆花膠鮑魚、壽喜燒，都很上乘，個場都算大，就算咁多食客，攞食物都冇排長龍情況，感覺非常不錯！甜品區自助區，款款都賣相精緻，仲可以寫紙俾廚師幫忙寫碟畫花，加上即焗嘅朱古力心太軟，好食又有儀式感！