Video
Read full review
2021-06-08
144 views
同男朋友慶祝周年紀念日，所以就揀間靚啲嘅餐廳食飯。佢個裝修都好舒服，有種好清新嘅感覺，而且大部份位置都係沙發，俾人一種好舒服可以傾吓計嘅空間。我哋揀咗佢個set Menu，呢度必試嘅係佢啲流心牛角包。我哋兩個各自試咗佢唔同嘅味道。分別係好有視覺震撼嘅龍蝦湯牛角包，一切開啲龍蝦湯就湧出來，而且龍蝦味都好濃，牛角包又夠脆，所以一定要趁熱食。另一個係冬陰龍蝦湯牛角包，呢一個會帶少少冬陰功嘅辣味，但係就冇法式龍蝦湯咁流心，但係味道都好濃。之後個前菜我哋就揀咗燒烤，泰式沙嗲雞係必食嘅，佢啲雞唔會燒到好乾，啖啖肉配埋佢個好香花生味嘅沙嗲汁，真係好有泰國味道。另一個我哋就揀咗燒生蠔，佢個生蠔上面嘅係泰式辣汁，食落真係好野味，海鮮都係配泰式辣汁最正。主菜我哋揀咗咖喱和牛面頰，佢呢度好值得我欣賞嘅係一般出邊其他西餐廳嘅牛面頰都會整到好騷，但係呢度一啲騷味都冇，個口感軟腍得來又煙煙韌韌，而佢個咖喱汁又唔會太辣，搶晒牛面頰嘅味道，除咗個飯硬少少之外都已經冇挑剔嘅地方。另一個我哋揀咗佢個招牌西班牙黑毛豬腩肉拼黑毛豬頸肉，一般對豬腩肉嘅印象係覺得佢好肥膩，但係呢度因為煎香左，所以有香脆嘅口感，令到你唔係太感覺到
佢個裝修都好舒服，有種好清新嘅感覺，而且大部份位置都係沙發，俾人一種好舒服可以傾吓計嘅空間。
我哋揀咗佢個set Menu，呢度必試嘅係佢啲流心牛角包。我哋兩個各自試咗佢唔同嘅味道。
分別係好有視覺震撼嘅龍蝦湯牛角包，一切開啲龍蝦湯就湧出來，而且龍蝦味都好濃，牛角包又夠脆，所以一定要趁熱食。
另一個係冬陰龍蝦湯牛角包，呢一個會帶少少冬陰功嘅辣味，但係就冇法式龍蝦湯咁流心，但係味道都好濃。
之後個前菜我哋就揀咗燒烤，泰式沙嗲雞係必食嘅，佢啲雞唔會燒到好乾，啖啖肉配埋佢個好香花生味嘅沙嗲汁，真係好有泰國味道。
另一個我哋就揀咗燒生蠔，佢個生蠔上面嘅係泰式辣汁，食落真係好野味，海鮮都係配泰式辣汁最正。
主菜我哋揀咗咖喱和牛面頰，佢呢度好值得我欣賞嘅係一般出邊其他西餐廳嘅牛面頰都會整到好騷，但係呢度一啲騷味都冇，個口感軟腍得來又煙煙韌韌，而佢個咖喱汁又唔會太辣，搶晒牛面頰嘅味道，除咗個飯硬少少之外都已經冇挑剔嘅地方。
另一個我哋揀咗佢個招牌西班牙黑毛豬腩肉拼黑毛豬頸肉，一般對豬腩肉嘅印象係覺得佢好肥膩，但係呢度因為煎香左，所以有香脆嘅口感，令到你唔係太感覺到佢嘅油膩。而最正嘅係佢個豬頸肉，好香嘅香茅味而且肉質好爽彈，係泰式燒豬頸肉嘅味道。
甜品方面我自己就揀咗個慢煮焦糖燉蛋，佢嘅焦糖面真係做到好脆，再加埋面頭嘅啄啄糖脆上加脆，而燉蛋都好幼滑。
而男朋友因為太鍾意食牛角包所以喺甜品嘅時候又叫埋佢嘅泰式奶茶牛角包。
但係今次牛角包將大部分奶茶索晒，所以都未能做到非常流心嘅效果，同埋令到牛角包中間比較軟身，但係味道依然都係好好味嘅。
嘢飲方面男朋友照舊嗌左佢嘅齋啡，而我就揀咗佢嘅泰式奶茶，佢個泰式奶茶嘅甜度可能調校過，所以唔會太過甜，啱晒唔太鍾意過甜嘅我。
Post
