蝦麵店 (海光街) (Moved) New Location

之前一路都好想試舊舖頭，點知食唔切佢就已經搬咗入去大啲嘅舖面。新舖頭入邊光好多，以前個舖位太細又黑，就算想試都係諗住買外賣，但係新舖頭可以坐多好多人，雖然啲枱都係細，同埋要坐高枱，但係放工時間係冇乜人，而且佢哋8:30就last order。以前冇食過蝦麵，以為會好似喇沙咁重口味，但係間舖頭做得甜甜地，唔會好剌激，夜晚食完都唔會口渴。套餐包一碗麵，雖然碗麵有啲細碗，但係個套餐仲有一個小食加一杯嘢飲，性價比算係咁。面底揀咗老闆娘推介嘅摻摻，全米粉又好寡，全油面又好肥，每樣一半可以一啖食到兩種棉質嘅粗幼同埋軟硬度，啱啱好。