相馬日式火鍋 (Closed)

相馬有好多分店，今日行完市集就同老公試下佢地既放題。串燒炸物🍢未有火鍋食物就緊係食住啲即刻有得食既野先！串燒同炸物雖然都係即叫即整，但係速度都好快，上台嗰陣有熱辣辣，我鍾意食佢哋嘅單骨雞翼，唔使論骨，而且味道多多，孜然味超好食！另外仲有好邪惡嘅炸丸炸午餐肉燒粟米，粟米勁甜勁好食，炸丸又彈牙，淨係食呢啲都飽咗一半🫢火鍋配料🍲火鍋配料有肉有丸有菜有海鮮，款式又係好多，本身已經有個一次性嘅蒸海鮮，估唔到火鍋都仲有任依嘅海鮮！另外肉方面佢哋嘅優質豚肉好好食，一啲酥味都冇，又夠腍，肉質鮮嫩，配埋胡椒花膠雞湯底味道就啱啱好🤗大閘蟹🦀大閘蟹真係即叫即蒸，全部都係蟹膏金黃，口感軟滑，蟹肉又香甜美味，肉質鮮美！而且拆蟹肉工具都齊，食得方便，非常貼心☺️