小城鎮 (Closed)

最近屋企附近開左間新餐廳，用火車做主題都幾特別，所以就黎試下喇！黎到發現原來唔止得火車，仲有酒櫃、舊試時鐘等裝飾，比人一種歐陸風既感覺。最得意係收銀係火車售票處，每一個角落都配合到個主題。Menu上面食物都好多種類叫左2碟小食 - 雞翼表面炸到好金黃，又唔會好厚粉，内裏肉質都幾滑。辣肉腸就正常水準。原來好戲在後頭，個招牌豬肋骨果然係名不虛傳。首先見到個份量已經嚇親，百幾蚊竟然有2大舊豬肋骨，而且嫩滑多汁，個燒烤醬絕對係個精髓。最正係近骨位d肉，有少少焦焦地勁香口，完全係食到停唔到口。另外，仲有d薯角同配菜，好正，因爲我好鍾意食薯角，哈哈。黑松露蘑菇扁意粉，同豬肋骨一樣，大碟同好平。重點係味道都好好，意粉唔會煮到好淋，夠al dente；蘑菇香滑軟熟，仲帶有少少既黑松露香味，又唔會太over。飲品又係叫左個招牌 - 百果園水果茶，黎到既時候係好驚訝，因爲係好大杯，係2個人都飲唔晒果種。水果茶好清甜，唔係街邊用化學品沖果隻味。杯内仲有多種不同新鮮既水果，可以一路飲一路食d水果。甜品叫左個柚子cheese cake同荔枝cheese cake，擺盤非常靚。我見店内其他食客係有不同款式既擺盤，