Le Steak Specialiste (Closed)

Le steak specualists 今日去開佐敦，做完嘢之後梗係搵嘢食啦，聽朋友講話呢頭有間性價比好高嘅西餐，馬上就去試試先。餐廳環境走舊式西餐廳風格，場地幾大，就算多人都唔怕坐得唔舒服。一開始係蘑菇湯，未飲已經聞到好香嘅菇味，湯飲落唔會太杰，每一啖都飲到非常濃郁嘅蘑菇味，一碗有啲唔夠喉添😋C5 pepperoni & mushroom pizza廚師用料一啲都唔吝嗇，Pizza上面鋪滿餡料，芝士亦都多到可以拉絲。薄餅焗到好香脆，總之焗得啱啱好配料配合完美，非常好食。G4 grilled USAD ribeye肉眼牛扒肉質非常柔軟，五成熟剛剛好，牛扒肉味濃郁得來會有太多肥膏。加埋配菜嘅沙律芝士蘑菇同手指咁粗嘅薯條，健康得來又好食。而且佢仲有海鹽可以落喺啲牛扒度。甜品係美國芝士餅同Tiramisu芝士餅甜度適中，Tiramisu 酒味好香，兩者有一個共通嘅優點點就係蛋糕有加入一層凍凍地嘅芝士，好似食緊雪糕咁，佢同其他柔軟嘅蛋糕層做出非常豐富嘅口感。