桃花源小廚 (Closed)

有聞桃花源從前是米芝蓮二星餐廳，而今年是米芝蓮推介，心裡有點好奇，一於同hubby試試。餐廳位於上環小街，座位唔太多，分兩層，是中型餐廳。餐廳的陳設有點歲月的痕跡，燈光暗淡，而我倆入座時正值中午時分，坐無虛席。點心由35-58不等，炒飯麵則由98起蝦餃$45有四件，外形飽滿大大隻，雖然外皮不是半透明嗰種，而且只有八摺，但蝦味十足，入口彈牙有鮮味，正！燒賣$45有四件，同樣是大大粒，有蝦半隻同手切肉粒，食落有肉味而口感爽彈。鮮竹卷$35有3件，餡料有芹菜瘦肉等，但是腐皮太薄而且食的時候爛到一團糟，無論上湯或鮮竹卷半身都淡而無味。蓮蓉煎堆$30有3粒，熱辣辣上枱，口感煙韌帶芝麻香，蓮蓉香滑又唔甜膩甜菜叉燒帶子炒飯$128：飯粒粒粒分明，有叉燒、味菜和旦絲等，帶子少得可憐，簡直食唔到。炒飯味道咸香而偏乾同硬，但食落仲有少少燶味。總結：食味一般，質數和大眾化酒樓相約或以下，收費比一般酒樓為高，性價比底。