夏雪 (Closed)

之前小朋友食完好鍾意，成日叫住話要encore，所以今日同佢學完嘢就再嚟食。自己都好鍾意呢間餐廳，一嚟方便泊車，二來裝修係小清新，彩光度又夠高，坐落好舒服。而且佢有鹹點、甜點同各式各樣嘅飲品，滿足到唔同人嘅需要。之前想食麻糬窩夫，但賣晒，今次終於可以叫個伯爵茶窩夫加麻糬，都只係$73！性價比極高。佢連雪糕都係伯爵茶味，出面好少有。跟住就係小朋友對佢念念不忘嘅雜莓smoothie，所以我又跟住嗌咗杯Peach，但個人感覺偏甜，啱小朋友多啲。始終覺得佢嘅咖啡出，呢杯coffee latte，咖啡味夠濃郁夠香，所以覺得佢嘅咖啡豆都值得入手。