尚八日式燒肉店 (Closed)

以前食開和牛放題既餐廳敵不過疫情執笠，諗住試下呢間尚八標傍自己係和牛既放題，晚市7點入座$458/位加一，另有個餐叫特式和牛要$668/位，有款$388/位，我地揀左$458。首先話有特別刺身拼盤，真係幾特別，特別普通同特別細塊兼特別薄身，諗唔到有咩壽司店比佢更差。跟住唔洗點佢會跟一盤聲稱自己係A5和牛拼盤比你，唔講咁多大家睇圖片自己分析，一般甜品都應該有比較眾所周知都識既雪糕牌子，佢有韓國雪條同甜筒（真係失望x3000)款式真係見人見致，總括黎講都唔會再有下一次，同埋和牛放題係冇得挑選你揀邊款黎點，係每次都係"拼盤"咁點，可想而知，佢係幾有誠意有野讚，佢冇生菜但有波菜，d 小食既唔差，雖然炸野得幾款但佢真係即炸夠熱，係咁多。