The Right Place (寶勒巷)

Open Now

Now Closed

佢嘅招牌五花腩個皮好脆，但就真係得個皮脆，就係一舊幾好食嘅燒腩仔，大家想食建議去好食嘅燒味舖，呢個價錢可以食好多。到個牛肉他他，不過不失，冇乜特別。魚柳薯條叫做正常。再嚟個意粉，蜆肉蒜蓉意粉，如果係鍾意食香葉嘅人可能覺得還好，因為係好重香葉味但冇蒜味，我個人唔太接受好重香葉味，所以接受唔到，但啲蜆係好食嘅，多汁飽滿唔腥。最後啲嘢飲，叫咗四杯cocktail，唔太記得個名，鳳仙得一般好濃嘅香蕉味，冇芒果味。醉檸茶普普通通過得去。仲有杯鹹醉檸？冇乜酒味，對於cocktail嚟講係好失望。不過啲員工服務幾好，有禮貌嘅。同埋唔知係咪時間問題，我哋6:30入座，到7:30左右走都唔見有live music。同埋好少去呢啲餐廳可以一個鐘就走，啲嘢又唔係好食又細份。食啲咁嘅嘢埋單人均三百幾… 見到呢間好多打手，唔希望再有人中伏。