金田家 (Closed)

今日去完將軍澳畫完畫之後突然好想食拉麵，見到將軍澳廣場有間金田家又未試過，所以就決定入去試下估唔到又幾好食！我同男朋友叫咗一杯巨峰乳酸梳打同一杯草莓乳酸梳打，開頭以為草莓嗰杯會似藥水味，但飲落唔太甜得嚟又幾好飲，巨峰乳酸飲落比較甜但又唔係死甜，所以兩杯都唔錯之後我地各自叫咗一碗雞白湯豚骨拉麵同蒜子黑蒜拉麵仲追加咗兩份黑豚叉燒同一份山葵蛋黃醬餃子啲麵好彈牙，湯亦係濃得嚟唔會太多味精，食完唔洗係咁飲水，日式連鎖拉麵嚟講絕對係做得非常好！最後兩個人夾埋食咗唔洗$400！咁高質嘅拉麵$400都唔洗真係好抵食下次絕對會再食