小津居酒屋

Open Now

Now Closed

成日都好想搵到d方便泊到車既小店試下，今日終於俾我搵一間好出色既居酒屋，真係要bookmark左呢間下次同其他朋友再食。餐廳地點其實都算方便，最緊要係附近都多泊車位可以泊，餐廳唔算多位，但有一種舒服日式既感覺。食物方面真係高質，首先好欣賞呢兩碟炸物，唐揚魷魚圈同埋炸赤蝦BB，皮好薄又脆，魷魚圈彈牙肉又實，赤蝦BB好特別，保留到蝦既甜既，係完全食到無停口既。跟住係牛小排壽喜燒加烏冬，個牛小排牛味好重肉質夠淋，壽喜燒配菜勁多，好似食唔完咁，加埋個烏冬一齊食勁入味。燒雞皮餃子同娘惹咖哩雞串兩個都好特別，味道都好出色，兩個都好值得一試。芝麻雞翼個餡好足料，雞翼個肉勁juicy又滑。最後叫左關東煮，有炸豆腐，年糕福袋，椰菜卷，牛蒡卷，雞肉丸咁，清清地簡單得黎個味又唔錯wor。食到抱住個肚走，價錢仲要唔貴，呢間真係性價比超高，一定會encore。