小肥牛蒸氣石鍋火鍋專門店 (Closed)

小肥牛蒸氣火鍋，之前已經聽過佢個名架啦但係一直都冇機會試，今次終於有機會啦，即刻叫佢個龍蝦鮑魚粥底4人火鍋套餐試下。個套餐係4人同行1人免費架，包左8款海鮮另外仲有50幾種火鍋配料俾你揀，真係多到唔知揀咩好呀。首先會有四種唔同既時令蜆貝落鍋，好似青口、馬刀貝咁。每一種都好鮮甜又彈牙，食得出好新鮮。再用蜆貝淆出黎即汁黎煮佢獨家調制既粥膽。店員仲話粥膽上淋有龍蝦汁再配少量提子乾能令到粥底更有鮮味。依個時候再落龍蝦入粥底，龍蝦彈牙爽口，又吸收到蜆貝既鮮甜味，令到龍蝦既味度比外間食到既更鮮甜。之後先再落鮑魚、龍躉片、蝦等等既海鮮配料落粥底度繼續煮。每一樣海鮮配料都食得出好新鮮，尤其鮑魚真係好彈牙呀！終於係時候試個粥底啦，個粥底食出精髓，極級鮮甜，食到哂八款海鮮既甜味，有得輸呀。跟住就可以落自己揀左既火鍋配料啦！每一款都唔會令你失望，一啲都唔馬虎！最後梗係要食番碗粥！精髓都係哂碗粥度，真係令人回味無窮呀，有機會一定會再去。