再來一煲 (好順景大廈1座)

Open Now

Now Closed

想食雞煲，首選一定係再來一煲，每次都會比佢驚墨西哥辣椒魔鬼辣吸引住！先來雞煲，呢到既雞煲係先炒到雞件乾身，配料有洋蔥，豆腐卜等等，吸左雞味和檸檬葉仲有魔鬼辣椒嘅味，勁惹味！👍食完個雞煲會加湯底俾你打邊爐！手切牛肉拼盤，有七款部位，全部都係刁鑽部位，400多元大大份，四個人食就啱啱好，牛肉脂肪平均，牛味重，靚牛輕輕淥幾秒就食得！每人一杯kings size 既凍檸茶新鮮魚皮，即叫即炸，可以當小食，又可以吸湯。人均三百元，食到有質素嘅雞煲實在難得！平日都爆曬棚，今晚好在有訂位，如果唔係就要等一下啦！