MGB by Manhattan Grill & Bar (Closed)

不嬲都知道亞太中心有好多好嘢食，每逢晚餐時間都會有好多人喺樓下排隊，今日就打算去試吓呢間好多人推介嘅西餐。因為佢有另外電梯都會到，所以好彩唔使排隊等鉝。一入到去，已經有唔少客人啦。呢度氣氛好好，見到有唔少人都係慶祝生日嘅。聽講呢度嘅生蠔好新鮮，咁一於試吓啦。我就叫咗四款唔同嘅生蠔，有清甜嘅亦有重海水味嘅。我自己就比較鍾意呢隻法國蠔，夠大隻之餘味道啱啱好而且食落口感比較爽脆。我哋仲叫咗呢個香草雞翼，估唔到有咁多隻喎。雞翼熱辣辣，味道好夠，而且雞肉整得夠嫩，好香口。主菜方面，我就叫左一個5成熟嘅西冷扒。牛扒嘅牛味好夠，而且烹調嘅時間啱啱好，唔會太熟，好多肉汁而且口感一流。而朋友就叫咗呢個無骨燒春雞，因為冇骨所以食落好方便。我試咗一舊，雞肉都好嫩滑，而且點埋個汁食落好夾。呢間餐廳環境又好，食物質素都好高，而且價錢比較大眾化，唔怪得咁多客人啦。