森戶 (官塘立成大廈) (Closed)

想同大家介紹呢間性價比高嘅日本料理，佢嘅感覺似大家去台北成日去嗰類手握壽司餐廳，每件壽司都係即時製作。仲有一點似台灣嘅係店員好有禮貌，會有熱毛巾招呼🙂以呢個價錢有呢個質素，絕對抵食🥢特上刺身拼盤🦐拼盤入面有拖羅、牡丹蝦、金目鯛、深海池魚、活赤貝、海膽，每一款都好甘香鮮甜，又勁厚切。不過想介紹下出面刺身拼盤比較少有嘅金目鯛，油脂適中，口感肥而不膩🥢自選壽司12件有超過30款壽司、軍艦俾你自己揀，雖然規定同款只可選兩件，但咁多選擇無所謂啦。我鍾情火炙左口魚同深海池魚🥢燒白鱔用新鮮白鱔燒加埋醬汁係最好食，鱔肉厚身飽滿，魚味香濃，外皮燒到香脆，入面相當juicy