快樂小羊火鍋料理 (銅鑼灣廣場一期)

Open Now

Now Closed

帶咗幾個外國朋友去我近期至愛邊爐，Happy Lamb 度打邊爐，又抵又好味，地方又乾淨舒服，冷氣充足，唔會成身邊爐味，真係可以個個星期去。之前去開中要怡紅院，係高質好味嘅，但係每次都起碼$700幾落樓，真係只可以一個月一次。 lol 講吓Happy Lamb 啲嘢食, 湯底好重要，我哋叫咗酸辣，茄湯，同清湯。清湯好味，個酸辣唔太辣，唔會辣到你食唔到啲嘢食個味，但係重點係個茄湯，好飲到痴線，我哋係咁飲佢個湯，飲到人哋要勁同我哋加 lol ，強烈推介。我哋全部都係羊肉愛好者所以我哋叫哂羊，好嫩好鮮，唔會粗質難咬，每片都厚薄適中。其中我的至愛係圖中砌成花形嗰個（唔記得係咩部位），嗰個羊味最濃，擺盤好精緻仲有乾冰效果，班外國朋有最開心 lol。手打三滑都好正！墨魚同蝦滑勁彈牙，Mutton ( 年紀大啲嘅羊，唔知中文點叫 ）丸超正!!! 其他配菜都新鮮乾淨，decent 嘅! 重點係 ： 羊肉串!!! 不得了! 肥瘦適中，有肉汁又有咬口，仲要係熱辣辣新鮮燒，食到停唔到！呢價價呢個質素，我真係諗唔到有咩好彈，真心要去試呀你哋。