Video
Read full review
2019-05-17
68 views
係日本經常食omakase，返到香港如果要食都真係要付出幾貴既價錢先食到，今日經朋友介紹食呢價性比價高既Omakase，大滿足！幸運地坐到bar枱可以望住日本師傅，欣賞整壽司！前菜十味拼盤，擺盤非常之靚。-黑松露玉子 ：非常重黑松露味，蛋好嫩滑-三文魚明太子：兩樣好夾，好開胃-鳥卷：雞肉入味-昆布卷：無腥，日本人養生之選-蜆肉泡菜：新鮮蜆肉做成泡菜，酸酸辣辣好好食！-蠔薯仔沙律：食過最好味既薯仔沙律，加入蠔味好鮮甜！-螢光魷魚：個人不太喜歡生魷魚，不過唔腥幾爽口-松前漬:係魷魚同昆布既漬物，好岩送酒！-水茄子：爽口，水份好足！-稚鮎甘露煮：小小一條魚魚味十足，好甜好好味！三點刺身有左口魚、牡丹蝦同𩶘魚。新鮮不在話下，牡丹蝦好鮮甜好好味！𩶘魚同左口魚肉質就厚實，中意食三文魚既香港人未必中意！嚟至北海道既生蠔，鮮甜到一個點，唔使加佢個汁原汁原味最正白子係魚既睪丸，但其實一d都唔腥，好爽口，師傅加上柚子醋，更加清新，白子營養仲好豐富，蛋白質十足！吞拿魚tataki輕炙造成半生熟，魚油濃郁，點佢個特製醬汁好正！鰻魚馬交魚卷，兩種唔同既魚擺埋一齊，又幾好味，馬交魚打左蓉再煎香，有d似我地既鯪魚肉
幸運地坐到bar枱可以望住日本師傅，欣賞整壽司！
前菜十味拼盤，擺盤非常之靚。-黑松露玉子 ：非常重黑松露味，蛋好嫩滑
-三文魚明太子：兩樣好夾，好開胃
-鳥卷：雞肉入味
-昆布卷：無腥，日本人養生之選
-蜆肉泡菜：新鮮蜆肉做成泡菜，酸酸辣辣好好食！
-蠔薯仔沙律：食過最好味既薯仔沙律，加入蠔味好鮮甜！
-螢光魷魚：個人不太喜歡生魷魚，不過唔腥幾爽口
-松前漬:係魷魚同昆布既漬物，好岩送酒！
-水茄子：爽口，水份好足！
-稚鮎甘露煮：小小一條魚魚味十足，好甜好好味！
三點刺身有左口魚、牡丹蝦同𩶘魚。新鮮不在話下，牡丹蝦好鮮甜好好味！
𩶘魚同左口魚肉質就厚實，中意食三文魚既香港人未必中意！
嚟至北海道既生蠔，鮮甜到一個點，唔使加佢個汁原汁原味最正
白子係魚既睪丸，但其實一d都唔腥，好爽口，師傅加上柚子醋，更加清新，白子營養仲好豐富，蛋白質十足！
吞拿魚tataki輕炙造成半生熟，魚油濃郁，點佢個特製醬汁好正！
鰻魚馬交魚卷，兩種唔同既魚擺埋一齊，又幾好味，馬交魚打左蓉再煎香，有d似我地既鯪魚肉！
嚟到重頭戲壽司既環節。魚生一早已𩸆製好，所以加上生磨秋葵已經好好味！
蘆魚:魚味較淡，有咬口
伊佐木：香港少機會食到既魚類，鮮甜魚味濃
鱆紅魚：比較厚實，港人都食開既一種魚
岩手縣 帆立貝：加左碎青檸皮，肥美又鮮甜！好正！
石𩶘魚：𠝹開左魚既背面，令到醬汁更入味
鳥貝 ：拍一拍，個尾就會飛起左，好爽口無腥味！
小姫魚 :用左柚子醃漬，成件事好清新
松葉蟹柳 黑魚子:底下係魷魚，無用白飯，有點膩。但蟹柳啖啖肉好滿足！
吞拿魚蔥手卷
吞拿魚魚脂豐富，加上蔥同少少醬油，做成手卷係一件好美味既事！
北海道海膽 三文魚迷你丼
用上北海道既海膽，入口即溶。清甜到爆
加上三文魚子爆開個下好好味
食Omakase有咖哩飯真係好特別，個咖哩係好似老火湯咁用左幾日去烹調，好香濃。口味有少少微辣，所以就配芒果醬去中和個辣！好特別！
最後送上抹茶蕨餅做一個完結，$1300食到咁多新鮮日本食材真係抵到爛！
Post
