Video
Read full review
2021-08-18
121 views
食過銅鑼灣店覺得好食，係北角諗唔到食咩，見到有四寶分店諗都唔諗就入左去食啦。坐低先發現原來餐牌同銅鑼灣店唔同。主打推介的蔥油豬扒煎蛋飯，沙嗲牛肉麵，炒蛋之類都一樣有，但其他食品，銅鑼灣主打西式，哩間分店可能迎合返附近老一輩嘅街坊主打中式。拔道腩水門雞 半隻去親泰國都要食水門雞，冇得去旅行，估唔到茶餐廳都有得食，餐牌張相好吸晴一見到就想點黎食。睇賣相都知隻雞好食，油脂分布均勻，全部雞都好滑，配埋水門雞醬冇得輸，幾分鐘就清左碟🙈喜哥蔥油豬扒煎太陽蛋飯豬扒超大塊，一切落去好腍架，我地叫左少飯但對女仔黎講都仲係多，所以細食既人記住環少飯唔好嘥野。蔥油夠香，勁想再要多d撈飯！太陽蛋蛋白煎到脆邊，蛋黃好靚，唔知點解我地2個人都覺得係細個呀媽屋企煎的味道😂正呀。伴碟仲有西式沙律有幫助解膩👍🏻馬友咸魚煎肉餅一上菜已經閒到好香咸魚味🤤有6塊，仲要塊塊都好足料好厚！一咬開咸香味充滿口腔，仲有大大粒馬蹄係入面令口感更豐富！店員姐姐仲俾左碟喼汁我地，佢話佢覺得咁樣食好夾。果然冇介紹錯！喼汁可以解左煎炸的油膩感，食多幾塊都冇問題。伴碟都係有西式沙律，落左好多日式麻醬好好味。飲品方面叫左雪山紅豆冰同雪山朱古力，上
坐低先發現原來餐牌同銅鑼灣店唔同。主打推介的蔥油豬扒煎蛋飯，沙嗲牛肉麵，炒蛋之類都一樣有，但其他食品，銅鑼灣主打西式，哩間分店可能迎合返附近老一輩嘅街坊主打中式。
拔道腩水門雞 半隻
去親泰國都要食水門雞，冇得去旅行，估唔到茶餐廳都有得食，餐牌張相好吸晴一見到就想點黎食。
睇賣相都知隻雞好食，油脂分布均勻，全部雞都好滑，配埋水門雞醬冇得輸，幾分鐘就清左碟🙈
喜哥蔥油豬扒煎太陽蛋飯
豬扒超大塊，一切落去好腍架，我地叫左少飯但對女仔黎講都仲係多，所以細食既人記住環少飯唔好嘥野。蔥油夠香，勁想再要多d撈飯！
太陽蛋蛋白煎到脆邊，蛋黃好靚，唔知點解我地2個人都覺得係細個呀媽屋企煎的味道😂正呀。
伴碟仲有西式沙律有幫助解膩👍🏻
馬友咸魚煎肉餅
一上菜已經閒到好香咸魚味🤤有6塊，仲要塊塊都好足料好厚！
一咬開咸香味充滿口腔，仲有大大粒馬蹄係入面令口感更豐富！店員姐姐仲俾左碟喼汁我地，佢話佢覺得咁樣食好夾。果然冇介紹錯！喼汁可以解左煎炸的油膩感，食多幾塊都冇問題。
伴碟都係有西式沙律，落左好多日式麻醬好好味。
飲品方面叫左雪山紅豆冰同雪山朱古力，上面有超大量既cream，1d都唔孤寒，紅豆都好大粒好腍，大滿足！
全間店的店員都好有禮貌，會定期睇下你有冇咩需要。
特別值得一提有位店員講野好風趣，唔似平時要食到趕頭趕命仲要受人氣的茶餐廳。哩度好有人情味，食得開心又好味。下次要試菠蘿油，見到好多人食🤤
裝修主色都係tiffany blue, 不過裝飾係泰國飯壺，好特別。
Post
