牛知己 (Closed)

今日男朋友生日就帶佢嚟元朗呢度食火鍋放題 天寒地凍啱曬 呢間舖頭好似係新開 嚟到嘅時候都幾旺場 等咗一陣位就入得 價錢唔貴唔 怪得知咁多人食呢度裝修都幾靚 有啲茶餐廳嘅感覺 坐得幾舒服叫咗個海帶海膽湯 特色湯底只係需要加廿蚊 味道幾鮮味 都唔錯點菜係用ipad全自動化 食幾多都可以喺度加 上菜位仲係用咗電動送出嚟 勁先進雖然牛肉豬肉款式唔多 但係用料都幾好 對得住呢個價錢 牛肉雪花幾靚 牛味都濃郁豬腩肉切得勁薄 淥一陣就食得 仲幾爽脆雞塊係用上雞髀肉 大大嚿 肉質嫩滑 而且有雞味 唔錯特別推介係個乳酪雪糕 用咗雪糕機 可以自由發揮吱出好靚嘅花紋 仲係任食 上面可以加上卜卜脆oreo花生等等 酸甜味適中 非常好食