日和号壽司料理 (Closed)

都有一段時間無去megabox啱啱long weekend去睇戲 經過日和号壽司料理 見到做緊半價刺身壽司優惠 性價比極高🤑刺身都有半價真係好抵！叫咗油甘魚(4片) 吞拿魚赤身(4片) 三文魚(4片) 帶子 (6片) 都只係$150‼️而且都幾新鮮厚身👌🏻壽司好多款有半價優惠 抵過食放題 毫無顧忌狂嗌🤗 火炙三文魚腩壽司 火炙左口魚邊壽司 胡麻醬火炙帆立貝壽司 七味火炙鱈場蟹棒壽司🍣 火炙系列無得輸 迫晒啲魚油出嚟🥰唔少得每次食壽司都會嗌嘅油甘魚壽司 鰻魚壽司 稻荷蟹子沙律壽司 吞拿魚壽司 帆立貝壽司 三文魚子軍艦 海膽軍艦 重點推介 6吋三文魚壽司 橫跨隻碟嘅三文魚 打卡必備🌟除咗刺身壽司 亦都有啲日式小食 有我最愛章魚小丸子🐙 熱辣辣小丸子好足料 仲有海量木魚絲沙律醬🎌飲品選擇都有好多款 份量十足 白桃乳酸梳打同巨峰梳打飲極都飲唔完😂