Video
Read full review
2016-12-12
1327 views
聽朋友講有間新開嘅涮涮鍋放題平靚正，咁咪嚟試吓囉由於係試業期，任何時段都只係$159，仲要原本要加$30嘅刺身放題都免費俾你！真係好好好抵飲品好多選擇，有三個雪櫃咁多！蔬菜同丸類都可以自己夾，或者寫紙都得醬料就自助刺身澎湃程度同新鮮程度都係十粒星！八爪魚好少可地唔會太韌，而且有鮮甜味另外亦非常推介赤蝦、象拔蚌同三文魚！涮涮鍋湯底有廿款！選擇困難症患者應該都幾頭痛…好彩侍應都好細心咁推介，最後朋友決定要［御前海鮮湯］湯底嚟到，係一鍋冇料的湯。聞落係好濃、好鮮味嘅海鮮湯味，但冇料呢方面就同朋友對望咗一吓，心諗唔通係伏？就喺對望嘅一刻，侍應送咗呢盤海鮮嚟，話係跟個湯底嘅。媽啊！海鮮湯底跟一盤海鮮？呢個價錢嘅放題？好抵喎！淥海鮮前試咗一口個湯底，好～～～鮮甜蜆肉粒粒都漲卜卜，好新鮮，不過可惜有少少沙帆立貝好鮮甜［加拿大牛肩胛肉片］想試哂咁多隻肉類，但無奈叫一份已經夠哂兩個人食。不過一啲都冇唔開心，因為呢個牛嘅牛味非常濃郁，而且每一片都非常薄，淥幾下已經食得，唔會韌［深海魚件、墨魚魚、日本魷魚、新鮮活海蜆］唔止跟湯底嘅海鮮新鮮，自己點嘅海鮮都一樣新鮮。比較特別嘅有日本魷魚（黃色嗰啲），淥完之後好
聽朋友講有間新開嘅涮涮鍋放題平靚正，咁咪嚟試吓囉由於係試業期，任何時段都只係$159，仲要原本要加$30嘅刺身放題都免費俾你！真係好好好抵
飲品好多選擇，有三個雪櫃咁多！
蔬菜同丸類都可以自己夾，或者寫紙都得
醬料就自助
刺身澎湃程度同新鮮程度都係十粒星！八爪魚好少可地唔會太韌，而且有鮮甜味
另外亦非常推介赤蝦、象拔蚌同三文魚！
涮涮鍋湯底有廿款！選擇困難症患者應該都幾頭痛…好彩侍應都好細心咁推介，最後朋友決定要［御前海鮮湯］
湯底嚟到，係一鍋冇料的湯。聞落係好濃、好鮮味嘅海鮮湯味，但冇料呢方面就同朋友對望咗一吓，心諗唔通係伏？
就喺對望嘅一刻，侍應送咗呢盤海鮮嚟，話係跟個湯底嘅。媽啊！海鮮湯底跟一盤海鮮？呢個價錢嘅放題？好抵喎！淥海鮮前試咗一口個湯底，好～～～鮮甜
蜆肉粒粒都漲卜卜，好新鮮，不過可惜有少少沙
帆立貝好鮮甜
［加拿大牛肩胛肉片］想試哂咁多隻肉類，但無奈叫一份已經夠哂兩個人食。不過一啲都冇唔開心，因為呢個牛嘅牛味非常濃郁，而且每一片都非常薄，淥幾下已經食得，唔會韌
［深海魚件、墨魚魚、日本魷魚、新鮮活海蜆］唔止跟湯底嘅海鮮新鮮，自己點嘅海鮮都一樣新鮮。比較特別嘅有日本魷魚（黃色嗰啲），淥完之後好爽脆
埋單時侍應送咗呢個俾我哋食，係韓國嘅雪糕朱古力批，好在細細個，都仲食得落最後想講，呢度嘅侍應除咗好好禮貌之外，仲好貼心，唔似其他放題咁，佢哋會主動問你有冇嘢未嚟，有少少感動
呢一餐真係好好味，食得好開心。不過有一個缺點係，無論你點咩湯底，佢加湯都係幫你加豬骨湯。雖然係好過加滾水，但如果可以加返你所點嘅湯，咁就更加perfect喇
Post
