Video
Read full review
2018-06-10
13 views
是日收工約左朋友聚餐，朋友就介紹依一間位於天后清風街既海魂燒。平時係天后約食糖水多，依一次係第一次食正餐餐廳。個餐廳名同招牌都好日本feel。 入左門口後，店員好快過尼打招呼，然後介紹兩個套餐，一個套餐既主角係波士頓龍蝦而另一個係鐵板和牛，我地就揀左前者。首先就先上飲品，套餐包括餐酒2杯，有紅酒白酒揀，唔想飲酒既朋友亦可以揀汽水菠蘿汁，非常貼心。 然後就上是日餐湯：番茄濃湯同埋芒果牛油果沙律。番茄濃湯好重番茄味同埋好濃郁。而個芒果牛油果沙律用既菜同生果好新鮮，尤其個沙律汁好正，令個沙律加分不少。依兩樣菜式都酸酸甜甜咁，好開胃。然後就係上金菇牛肉卷同埋特色炸拼盤。個金菇牛肉卷個燒汁好味，同個菇同牛肉好夾，口感亦好好。另外炸拼盤包括雞軟骨碎，雞翼同埋天婦羅蝦。雞軟骨碎好爽脆好有口感。而雞翼係單骨雞翼，個人認為係一個好貼心既行為。天婦羅蝦炸粉亦唔會太厚，配埋個汁好好食。 跟住上係鹽燒筍殼魚，一大條原條上，餐廳亦好細心已經將皮剝開，魚肉又白又滑，配埋個汁好正，第一次覺得筍殼魚係咁好食。 隨住店員一句「今日既主角」，燒波士頓大龍蝦登場。龍蝦面有好多芝士同蟹子，肉質鮮甜。餐廳亦會輕輕先整裂龍蝦殼
入左門口後，店員好快過尼打招呼，然後介紹兩個套餐，一個套餐既主角係波士頓龍蝦而另一個係鐵板和牛，我地就揀左前者。首先就先上飲品，套餐包括餐酒2杯，有紅酒白酒揀，唔想飲酒既朋友亦可以揀汽水菠蘿汁，非常貼心。
然後就上是日餐湯：番茄濃湯同埋芒果牛油果沙律。番茄濃湯好重番茄味同埋好濃郁。而個芒果牛油果沙律用既菜同生果好新鮮，尤其個沙律汁好正，令個沙律加分不少。依兩樣菜式都酸酸甜甜咁，好開胃。
然後就係上金菇牛肉卷同埋特色炸拼盤。個金菇牛肉卷個燒汁好味，同個菇同牛肉好夾，口感亦好好。另外炸拼盤包括雞軟骨碎，雞翼同埋天婦羅蝦。雞軟骨碎好爽脆好有口感。而雞翼係單骨雞翼，個人認為係一個好貼心既行為。天婦羅蝦炸粉亦唔會太厚，配埋個汁好好食。
跟住上係鹽燒筍殼魚，一大條原條上，餐廳亦好細心已經將皮剝開，魚肉又白又滑，配埋個汁好正，第一次覺得筍殼魚係咁好食。
隨住店員一句「今日既主角」，燒波士頓大龍蝦登場。龍蝦面有好多芝士同蟹子，肉質鮮甜。餐廳亦會輕輕先整裂龍蝦殼，從而方便剝殼。
然後就上野菜烏冬，清淡鮮甜，烏冬彈牙又好食。
而最後既甜品有雪米糍同炸湯圓，我地揀左後者。炸湯圓係喜出望外，外脆內軟又甜甜地，好正。
總括而言，海魂燒性格比好高，而餐廳好多行為都好細心。
Post
