La Rotisserie (第三街) (Closed)

本來行去第三街想一試"阿原來了"的台灣菜, 點知去到摸門釘! 隔尼係一間法國烤雞take away店, 當然可以堂食。入邊有一個有個差唔多兩米高嘅大烤爐, 有幾隻烤雞一排一排咁插住轉吓轉吓咁烤, 氣勢已經攞哂分! 而且價錢又抵, $140 二人餐, 每人有半份雞, 加兩個自選配菜! 廣東人做雞嘅方法特別多就係人都知, 但原來法國人嘅雞都烤得好出色!!! 我甚至覺得La Rottisserie嘅烤雞好食過Nando!!我地去到嘅時間啱啱好, 烤雞正正由烤爐拎出嚟, lucky man! 一打開個盒! 嘩! 好香烤雞味! 烤雞面頭烤得有點兒焦, 食落口好Juicy, 外皮脆脆地, 肉質四個字: 軟! 滑! 香! 嫩! 真係好好味啊! 原來呢度嘅烤雞係法國Grade A穀飼雞! 法蘭西嘅雞肉果然係唔同level! 配菜有兩種自選: 烤薯仔同烤雜菜! 有肉有菜! 唔會偏食! 雜菜帶有淡淡牛油香味, 好有胃口! 不過黑椒薯仔份量都幾多, 好飽肚! 另外叫咗枝可樂, 烤雞配可樂! 消暑又解渴!估唔到今餐嘅法國菜又好味又抵食又飽肚! 滿足哂三個願望囉! 呵呵! 意外嘅驚喜!