Video
Read full review
2019-11-15
221 views
呢排都唔方便去得太遠, 近近地去左屋企附近新開嘅牛MORE食飯。裝修幾新, 應該唔係開左好耐，門口有兩部自助機點餐，雖然係自助，但店員服務好好，會過黎講解、帶位同埋介紹檯面嘅醬料。每人只需要揀牛肉種類同份量，其他野都係任食，包括沙律、牛骨湯同白飯。沙律有日本椰菜絲、栗米同番茄仔，好夠新鮮，dressing都有幾款揀。牛骨湯有水準，香濃、牛味重，仲有甘筍大根西芹等配料一齊煲。白飯用上日本米，仲可以自由加飯素，牛未上我已經食左半碗飯。雖然呢d都係任食，但製作好認真，第一印象好唔錯。野飲多數係日本貨，有汽水、Qoo等等。牛肉用石板上，可以自行調較生熟度，店員另外提供小碗裝住煮熟既牛，避免過熟，亦有提供圍裙。我同友人分別揀左$75 200g嘅牛more之道，同$125 200g嘅美國select more牛，一平一貴試下水準如何，另加$30配鵝肝。店員介紹前者係牛板腱, 後者係牛小排。200g份量都唔細，我地都覺得已經夠食。兩款肉質都好唔錯，唔似平價牛肉，牛味濃郁，即使我食全熟仍然嫩滑juicy，加埋店員介紹係自家手磨既wasabi一齊食，大滿足，另外亦可以加岩鹽同牛肉汁。鵝肝入口即溶有焦香，
裝修幾新, 應該唔係開左好耐，門口有兩部自助機點餐，雖然係自助，但店員服務好好，會過黎講解、帶位同埋介紹檯面嘅醬料。
每人只需要揀牛肉種類同份量，其他野都係任食，包括沙律、牛骨湯同白飯。
沙律有日本椰菜絲、栗米同番茄仔，好夠新鮮，dressing都有幾款揀。牛骨湯有水準，香濃、牛味重，仲有甘筍大根西芹等配料一齊煲。白飯用上日本米，仲可以自由加飯素，牛未上我已經食左半碗飯。雖然呢d都係任食，但製作好認真，第一印象好唔錯。野飲多數係日本貨，有汽水、Qoo等等。
牛肉用石板上，可以自行調較生熟度，店員另外提供小碗裝住煮熟既牛，避免過熟，亦有提供圍裙。我同友人分別揀左$75 200g嘅牛more之道，同$125 200g嘅美國select more牛，一平一貴試下水準如何，另加$30配鵝肝。
店員介紹前者係牛板腱, 後者係牛小排。200g份量都唔細，我地都覺得已經夠食。兩款肉質都好唔錯，唔似平價牛肉，牛味濃郁，即使我食全熟仍然嫩滑juicy，加埋店員介紹係自家手磨既wasabi一齊食，大滿足，另外亦可以加岩鹽同牛肉汁。鵝肝入口即溶有焦香，想食多舊呢。
每人大約$100食到高質牛，仲要有咁多野任食，大家都覺得仲抵過自己買返屋企煮，我地一定會成日幫襯架！
Post
