稻田食堂

Open Now

Now Closed

今日黎到稻田食堂食飯，超抵食，2百蚊已經可以食到好飽。我地叫左兩個餐，份量多到食唔哂。叫咗一個大田便當，基本上超飽肚裡面有咖喱飯，佢嘅日式咖哩飯超好食，d 飯好彈牙，喺日式正宗甜咖哩，刺身三種包括三文魚2件，带子2件, 甜蝦1隻，刺身好新鮮，甜蝦好爽口。至尊惹味套餐超多野食，裡面有蟹籽栗米沙律，青瓜絲好新鮮配埋蟹籽栗米好fresh，刺身2款(三文魚,北寄貝各2件)都係好新鮮唔會霉。三文魚味赠湯呢個好驚喜，裡面有勁多三文魚魚肉，個味赠勁鮮甜勁好飲。福岡流心芝士漢堡扒1件，流心芝士咬落係拉絲狀態，而且外面炸得超脆。鹽燒鯖魚1件好好食，魚肉燒得鮮嫩多汁，一啲都唔會又乾又柴。日式炸嫩雞2件，炸雞好juicy而且大大件，超脆口，又抵食。佢又係包一碗咖喱飯，佢一個餐嘅份量同食兩個餐係無分別，超多嘢食。