潮食街 (Closed)

今日女朋友生日，噉就諗住搵一間自助餐同佢慶祝一下，搵一間近屋企附近又未食過嘅自助餐，諗住去試下，我哋都提早咗到噉大約六點到咗，侍應話六點半先開始，可以食到九點半。一入去感覺都唔錯，啲台凳就比較矮，第一時間去攞嘢食先刺身類，野就真係唔係好新鮮。啲甜蝦我未食過咁細隻嘅，細到我都唔識形容，其他刺身都係唔係太新鮮，佢亦都有蒸點心但估唔到係出邊嗰啲魚肉燒賣，海鮮類都比較差，啲蝦亦都唔咪好新鮮，長腳蟹又比較細隻，開咗出嚟都冇乜肉食，比較好係翡翠螺唯一似樣少少就係個佛跳牆。同埋有碗蛇羹食，中菜嚟直情唔使食，佢哋話我啲燒和黃牛，同埋羊架真係好難食，我食咗一啖就唔要，總括來講呢間嘢嘅質素出邊比較貴嘅放題都好過佢如果75折後都要400幾蚊一位，我覺得出邊會有更好嘅選擇。