Oak Tree Ristorante (Closed)

喺九龍彌敦道仲要近地鐵站，可以有一個寧靜舒適餐廳，已經真係唔易找！OK已經香港地大陸消費客淪陷！連尖沙咀茶餐廳都要六七十蚊先可以落樓的時候！嗰日下晝同事話要見過客響佐敦，呢一間意大利餐廳一定係唔失禮的好提議！地方好寬闊，話哂酒店咖啡廳見，可能個老闆係鬼佬，D侍應全部可以應付用英文Order，哈哈！之前早餐已經試過，可能要應付酒店的早餐客人，做得馬虎唔係咁好食，似乎係用最平的雞肉腸，但下午茶就簡直係超值，德國鹹豬手配意粉，層皮係焗脆咗，都幾大份只係收40幾蚊，而個客叫咗三文魚沙律，唔特別，反而我再點多個潛艇三文治share, 就值得一讚，因為新鮮熱辣即做，個包係有烘脆咗，但因客已經食咗，唔記得影相，而送埋杯咖啡都已經超值，以咁嘅收費仲平過快歺店大X活仲要一提，俾你由兩三點一路坐到下午五六點，個意大利（鬼佬，應該係）老闆好斯文，絕無詐型，我都忍唔住果日兩個人食咗三個餐！