Video
Read full review
2023-07-23
221 views
忙碌返工偶然也要善待自己一下，坐廚師櫃可以睇到師傅一手一腳整食物送到客人面前，我order左影Omakase($1780)，師傅展示左一板新鮮既海膽，色澤鮮豔介乎黃橙色之間。食物會由淡味至濃味，前菜蟹肉冷素麵配無花果，清淡既冷麵有透心涼既感覺，兼且有開胃作用。時令刺身6點，北海道生蠔肉質肥厚，內裏好creamy，另一款由海膽和牡丹蝦和帆立貝組成，這組合一次過放入口食，口感層次豐富，仲有沙甸魚平時都會用煎既食法，原來做刺身都可以，肉質軟“林”味道會有少少腥，但個豉油有解腥作用，其他菜式象拔蚌刺身、黑蒜汁池魚刺身、清酒鮑魚。燒鮎魚料理，燒熟後賣相仍然保持住好似郁動中既形狀，感覺栩栩如生一樣，魚皮好脆，而且已灑上海鹽，所以已經好味道，不過魚骨幼細食用時要小心。若果晚市點選影omakase，就可以用$1加多一道鐵板鮑魚，三文魚籽經過店鋪特別醃製過，咬爆開都唔會有腥，鮑魚已切開一片片，比客人可以逐片食，好細心，燒熟後肉質較結實食落有咬口，本身亦灑上少少黑椒來調味。季節壽司9貫，北寄貝、鯖魚、毛蟹、海膽、中拖羅魚腩、赤貝、嬰兒白蝦、春子鯛、石垣貝，根據當刻最時令既海產作壽司，所以每款都好鮮甜，中拖
食物會由淡味至濃味，前菜蟹肉冷素麵配無花果，清淡既冷麵有透心涼既感覺，兼且有開胃作用。
時令刺身6點，北海道生蠔肉質肥厚，內裏好creamy，另一款由海膽和牡丹蝦和帆立貝組成，這組合一次過放入口食，口感層次豐富，仲有沙甸魚平時都會用煎既食法，原來做刺身都可以，肉質軟“林”味道會有少少腥，但個豉油有解腥作用，其他菜式象拔蚌刺身、黑蒜汁池魚刺身、清酒鮑魚。
燒鮎魚料理，燒熟後賣相仍然保持住好似郁動中既形狀，感覺栩栩如生一樣，魚皮好脆，而且已灑上海鹽，所以已經好味道，不過魚骨幼細食用時要小心。
若果晚市點選影omakase，就可以用$1加多一道鐵板鮑魚，三文魚籽經過店鋪特別醃製過，咬爆開都唔會有腥，鮑魚已切開一片片，比客人可以逐片食，好細心，燒熟後肉質較結實食落有咬口，本身亦灑上少少黑椒來調味。
季節壽司9貫，北寄貝、鯖魚、毛蟹、海膽、中拖羅魚腩、赤貝、嬰兒白蝦、春子鯛、石垣貝，根據當刻最時令既海產作壽司，所以每款都好鮮甜，中拖羅保持到入口即溶，貝類壽司每款都好爽口，海膽和毛蟹味道濃郁，在口腔散發出黎。
汁煮油甘魚鮫，鮫位位置有一層好滑既魚油脂，基本上放內口中已溶化。
熊本懸西瓜配紅豆小丸子，西瓜好清甜，兼且有幫助解除腸道油脂感，這甜品為今餐豐富既晚餐作為結尾，食完整個人都滿足晒。
Post
