大同韓燒 (Closed)

年尾年頭都好多飯局，唔搵間性價比高嘅餐廳真係荷包大傷！今次就同朋友去左一間大角咀既韓燒餐廳，晚飯時間除返開，唔洗二百就可以食2個鐘。韓燒個爐會放左一張吸油紙，所以燒嘢食嘅時候就會冇咁容易痴獲。以自助式燒烤形式，自己去食材區拎嘢食，除咗唔同肉類外，豬羊牛咩都有，仲有唔同既腌製方法，腌到入哂味，又唔會太鹹，仲有鮮冬菇、翠玉瓜、茄子等蔬菜，同埋扇貝、龍脷柳、魷魚等海鮮類提供，可以食得均衡。其中，魷魚係我致愛，新鮮彈牙！燒肉既時候，仲可以自己拎生蒜、辣椒、豆瓣醬等，配埋泡菜，用生菜包住泥食。係啲燒肉未食得之前，可以食下啲前菜醫肚先，泡菜種類多，腌蘿蔔、芽菜、菠菜都好夠味，但白菜泡菜就偏酸。另外，辣味年糕都值得一試，味道有少少辣，好吸味，冬天食完個人即刻熱返哂。飲品方面，除左普通既有氣汽水同紙包飲品外，仲可以揀呢度既韓式湯。我就揀左一碗紫菜花甲湯，好足料，一拎起就見到好多紫菜同花甲。另外，我都飲左好多烏龍茶同綠茶泥消食，減低油膩感。食完正餐，又點少得甜品呢！有四五種唔同口味嘅雀巢雪糕杯可以選擇，例如紅豆味、芝麻味、雲呢拿味等。