Video
Read full review
2021-01-19
1086 views
平時成日都會喺將軍澳附近嘅商場覓食，不過食嚟食去都係嗰啲餐廳，今次專登走過去天晉嗰邊睇吓有咩嘢好食，見到呢間餐廳既午市餐牌真係超級抵，所以就走咗入去食啦！佢嘅午餐只係$128，包一種烤雞（有骨或無骨）、魚片湯、凱撒沙律、薯角及白飯同埋飲品。我哋叫咗兩個烤雞午市套餐 ，分別揀左三重芝士同埋韓式BBQ醬味，另外仲要多咗一個雞蛋卷。🎈三重芝士烤雞佢嘅三重芝士就係烤雞上面嘅芝士醬混合左三種唔一樣嘅芝士，雖然我自己就唔係好食得出個分別，但係佢嘅芝士味道都算濃郁，連埋烤雞一齊幾夾，不過略嫌個芝士醬唔係好足夠，如果能夠多啲就更加好！🎈韓式BBQ醬煙燻烤雞韓式BBQ醬味道比較濃郁，但唔會太咸，醬汁能夠平均分布喺每一舊雞上面，食落味道都唔錯🎈韓式雞蛋卷出面嘅雞蛋皮相當厚，裏面有韓式嘅醃蘿蔔、蟹柳、青瓜等等，食落去口感好豐富，另外仲有三隻醬可以點，不過其實就咁食已經好夠味凱撒沙律同埋薯角都係同平時出面餐廳食到嘅差唔多，而魚片湯就偏鹹一啲，不過都幾似係韓國時飲到嘅味道整體而言，呢間餐廳嘅午市套餐真係性價比好高，我哋兩個人最後係食唔晒嘅，要打包返屋企，真係幾抵食😋
佢嘅午餐只係$128，包一種烤雞（有骨或無骨）、魚片湯、凱撒沙律、薯角及白飯同埋飲品。
我哋叫咗兩個烤雞午市套餐 ，分別揀左三重芝士同埋韓式BBQ醬味，另外仲要多咗一個雞蛋卷。
🎈三重芝士烤雞
佢嘅三重芝士就係烤雞上面嘅芝士醬混合左三種唔一樣嘅芝士，雖然我自己就唔係好食得出個分別，但係佢嘅芝士味道都算濃郁，連埋烤雞一齊幾夾，不過略嫌個芝士醬唔係好足夠，如果能夠多啲就更加好！
🎈韓式BBQ醬煙燻烤雞
韓式BBQ醬味道比較濃郁，但唔會太咸，醬汁能夠平均分布喺每一舊雞上面，食落味道都唔錯
🎈韓式雞蛋卷
出面嘅雞蛋皮相當厚，裏面有韓式嘅醃蘿蔔、蟹柳、青瓜等等，食落去口感好豐富，另外仲有三隻醬可以點，不過其實就咁食已經好夠味
57 views
1 likes
0 comments
凱撒沙律同埋薯角都係同平時出面餐廳食到嘅差唔多，而魚片湯就偏鹹一啲，不過都幾似係韓國時飲到嘅味道
整體而言，呢間餐廳嘅午市套餐真係性價比好高，我哋兩個人最後係食唔晒嘅，要打包返屋企，真係幾抵食😋
56 views
1 likes
0 comments
Post
