Video
Read full review
2021-11-09
726 views
之前係IG見到有人介紹好近我屋企既呢間韓式抵食半自助午餐，今日放假就同男友過黎試下😁佢嘅午餐可以自由組合肉類同主食，有豬/牛/雞又有冷麵/飯/烏冬任君選擇👏仲要五十零蚊已經包埋無限嘅前菜，甜品同飲品，真係抵到爛！😱😱我叫咗辣味炸雞配韓式拌飯，男友叫咗韓式烤牛肉配紫菜飯～今日嘅前菜有麻辣雲耳蓮藕片，韓式泡菜同薯條👏雲耳蓮藕片嘅味道同雲南米線店果款小食都幾似，幾好食😋飲品好多選擇👍 除咗普通汽水之外，仲有唔少韓國進口嘅飲品，果汁同茶類～韓式烤牛肉好入味，紅蘿蔔絲同洋蔥煮得夠淋， 配埋白芝麻同埋麻油味嘅紫菜飯一齊食好香好夾🤤我嘅炸雞係我至愛既甜辣味😍 皮脆肉嫰，有四大舊，又要再一次強調真係好鬼抵食！😂拌飯有半隻雞蛋同多款切絲嘅配料，雞蛋下面隱藏左啲韓式辣醬，撈勻一齊食好惹味而且好有口感😋可能因為主打火鍋既關係，呢度座位好闊落，眼見全部都係軟墊卡位👍好難相信點解五十零蚊就咁多嘢食兼坐得舒服，後生女經理同員工服務又好🤗下次可以同家姐姐夫接完姨甥女放學之後過黎一齊食個晏❤️
佢嘅午餐可以自由組合肉類同主食，有豬/牛/雞又有冷麵/飯/烏冬任君選擇👏
仲要五十零蚊已經包埋無限嘅前菜，甜品同飲品，真係抵到爛！😱😱
我叫咗辣味炸雞配韓式拌飯，男友叫咗韓式烤牛肉配紫菜飯～
今日嘅前菜有麻辣雲耳蓮藕片，韓式泡菜同薯條👏
雲耳蓮藕片嘅味道同雲南米線店果款小食都幾似，幾好食😋
飲品好多選擇👍 除咗普通汽水之外，仲有唔少韓國進口嘅飲品，果汁同茶類～
韓式烤牛肉好入味，紅蘿蔔絲同洋蔥煮得夠淋， 配埋白芝麻同埋麻油味嘅紫菜飯一齊食好香好夾🤤
我嘅炸雞係我至愛既甜辣味😍
皮脆肉嫰，有四大舊，又要再一次強調真係好鬼抵食！😂
拌飯有半隻雞蛋同多款切絲嘅配料，雞蛋下面隱藏左啲韓式辣醬，撈勻一齊食好惹味而且好有口感😋
可能因為主打火鍋既關係，呢度座位好闊落，眼見全部都係軟墊卡位👍
好難相信點解五十零蚊就咁多嘢食兼坐得舒服，後生女經理同員工服務又好🤗
下次可以同家姐姐夫接完姨甥女放學之後過黎一齊食個晏❤️
Post
