Video
Read full review
2023-08-23
820 views
🆅🅰🅻🆄🅴.🅵🅾🆁.🅱🅴🅻🅻🆈家嫂一家大小 (佐敦)最近同一大班friend食咗間性價比超高嘅餐廳😂就係 #家嫂一家大小 Book枱之前上網睇到有啲評價話只係一般，好彩親身試吓先至無走寶🙂簡單啲講，除刺身外，小食、雞煲、打邊爐、酒水都係任飲任食無限時！一坐低，家嫂們先上小食，有蝦多士、蜆、螺肉、紅糖糍粑…(太肚餓無影相😂) - 全部食物都好ok🙂之後就上刺身船，會跟人頭安排份量，訂枱5人以上會有海膽同蟹🦀 - 刺身質素幾好！少食海膽嘅我都入到口！隻蟹初初以為係裝飾🤣，打開發現爆糕，有驚喜🤩清枱後上雞煲，有得揀辣度，個人覺得BB辣幾好，雞入味唔晦，另有蜆、豬皮、冬菇。但個人認為應留肚食火鍋！🤣🤣再再清枱後上打邊爐鍋，湯底一啲都唔hea，book枱當日家嫂會聯絡你預留👍🏻食物重點有：貴妃蚌、薯仔蜆、BB蟶子、蠔🦪、鮑魚(新鮮到上枱仲識郁！)、桂花蚌、鱔件、花膠、魷魚、極上牛、豬🐽另有：響鈴、炸魚皮、腐竹、手打丸、餃子、蔬菜盤、烏冬…(其實食重嘢已經好飽😂)海鮮中上質素，對得住個價錢！起碼我呢個玻璃肚食完冇肚痛🙂啲蚌同蜆鮮甜，無食到有沙，牛普通偏肥，豬反而幾好味😋飲品方面都係嗰啲啦，特飲值得
家嫂一家大小 (佐敦)
最近同一大班friend食咗間性價比超高嘅餐廳😂就係 #家嫂一家大小
Book枱之前上網睇到有啲評價話只係一般，好彩親身試吓先至無走寶🙂
簡單啲講，除刺身外，小食、雞煲、打邊爐、酒水都係任飲任食無限時！
一坐低，家嫂們先上小食，有蝦多士、蜆、螺肉、紅糖糍粑…(太肚餓無影相😂) - 全部食物都好ok🙂
之後就上刺身船，會跟人頭安排份量，訂枱5人以上會有海膽同蟹🦀 - 刺身質素幾好！少食海膽嘅我都入到口！
隻蟹初初以為係裝飾🤣，打開發現爆糕，有驚喜🤩
清枱後上雞煲，有得揀辣度，個人覺得BB辣幾好，雞入味唔晦，另有蜆、豬皮、冬菇。但個人認為應留肚食火鍋！🤣🤣
再再清枱後上打邊爐鍋，湯底一啲都唔hea，book枱當日家嫂會聯絡你預留👍🏻
食物重點有：貴妃蚌、薯仔蜆、BB蟶子、蠔🦪、鮑魚(新鮮到上枱仲識郁！)、桂花蚌、鱔件、花膠、魷魚、極上牛、豬🐽
另有：響鈴、炸魚皮、腐竹、手打丸、餃子、蔬菜盤、烏冬…(其實食重嘢已經好飽😂)
海鮮中上質素，對得住個價錢！起碼我呢個玻璃肚食完冇肚痛🙂
啲蚌同蜆鮮甜，無食到有沙，牛普通偏肥，豬反而幾好味😋
飲品方面都係嗰啲啦，特飲值得一試：鹹檸七、水蜜桃梳打、巨蜂提子梳打 。
另有紅酒🍷、白酒、清酒🍶、梅酒任飲(19:30-22:30)
以為咁就完？最後仲附送薑汁番薯糖水！
啲家嫂sss真係好貼心！🥰🥰🥰
收費$428連加一，每人都係$471，完全對得起個價！
任飲任食任坐有卡打，地點又方便(地鐵站出口行2分鐘)，性價比好高！
如果一大班酒肉朋友聚會，絕對值得考慮👍🏻👍🏻👍🏻
Post