Video
Read full review
2020-10-25
102 views
一嚟到就留意到牆上面嘅畫，原來係同齊亮畫廊合作，每個卡位都有一幅，可以一路食嘢一路欣賞😌呢啲咁嘅時間梗係食大閘蟹嘅好時間啦，見到佢呢度嘅大閘蟹套餐每人可以食到成三隻，兩皇一后，價錢都好似幾抵下。原來平時午市嚟食或者夜晚8:30後嚟食仲可以平多$30添，如果好食嘅話下次試吓特價時段嚟食先得喇👍🏻大閘蟹個套餐包任飲陳了花雕酒，可惜我同朋友都唔飲酒，不過唔飲酒都可以揀丸茶手作台飲。平時套餐係餸蜂蜜檸檬，但今日好好彩可以upgrade去其他嘢飲，我就同朋友一人揀咗一杯😆🍹奶蓋鐵觀音、鐵觀音拿鐵加珍珠嗌咗少甜真係有少甜到，朋友飲個杯奶蓋鐵觀音，佢話個奶蓋好Rich，好厚好好飲，同鐵觀音好夾😁🍴金磚豆腐肴肉金磚豆腐個皮好薄，但係又炸到好脆，點埋喼汁食好開胃；肴肉有啲似啫喱😆都幾好食🍴粟米鮮蝦羹嘩入面有成三、四隻都幾大嘅蝦，食落都好有鮮味而且隻蝦好爽口☺️，個粟米羹嘅texture都十分之好，唔會太杰又唔會太稀，而且啲粟米好甜，令到成個羹嘅層次都昇華左。🍴大閘蟹終於嚟到重頭戲，大閘蟹🦀。呢間餐廳好嘅地方係佢唔會一次過上晒六隻大閘蟹俾你，而係兩隻兩隻🦀🦀咁樣上咁就唔會擺到凍哂👍🏻第一輪係食蟹公，侍應話呢
呢啲咁嘅時間梗係食大閘蟹嘅好時間啦，見到佢呢度嘅大閘蟹套餐每人可以食到成三隻，兩皇一后，價錢都好似幾抵下。原來平時午市嚟食或者夜晚8:30後嚟食仲可以平多$30添，如果好食嘅話下次試吓特價時段嚟食先得喇👍🏻
大閘蟹個套餐包任飲陳了花雕酒，可惜我同朋友都唔飲酒，不過唔飲酒都可以揀丸茶手作台飲。
平時套餐係餸蜂蜜檸檬，但今日好好彩可以upgrade去其他嘢飲，我就同朋友一人揀咗一杯😆
🍹奶蓋鐵觀音、鐵觀音拿鐵加珍珠
嗌咗少甜真係有少甜到，朋友飲個杯奶蓋鐵觀音，佢話個奶蓋好Rich，好厚好好飲，同鐵觀音好夾😁
🍴金磚豆腐肴肉
金磚豆腐個皮好薄，但係又炸到好脆，點埋喼汁食好開胃；肴肉有啲似啫喱😆都幾好食
🍴粟米鮮蝦羹
嘩入面有成三、四隻都幾大嘅蝦，食落都好有鮮味而且隻蝦好爽口☺️，個粟米羹嘅texture都十分之好，唔會太杰又唔會太稀，而且啲粟米好甜，令到成個羹嘅層次都昇華左。
🍴大閘蟹
終於嚟到重頭戲，大閘蟹🦀。
呢間餐廳好嘅地方係佢唔會一次過上晒六隻大閘蟹俾你，而係兩隻兩隻🦀🦀咁樣上
咁就唔會擺到凍哂👍🏻
第一輪係食蟹公，侍應話呢度嘅蟹係特選嘅黃毛爪蟹，而且蟹公係有成足足五両咁重！一打開個蟹蓋，哇啲膏真係爆曬出嚟咁滯😋食得唔小心真係會流晒到成隻手都係🤣；隻蟹都足五両重，好大隻，所以都有好多肉食。
第二輪係食蟹乸，蟹乸就細隻啲，但都有三兩半咁重。啲蟹膏好鮮味，好甘香☺️成舊蟹膏咁食真係覺得好滿足😆配埋個蟹醋，又可以解膩，又提升咗蟹嘅鮮味。
🍴蟹粉小籠包
蟹粉小籠包入面嘅湯汁十分之多，而且個皮好薄，非常之唔錯。
🍴紅糟裙菌皇金枝
啲金枝係蝦膠切咗薄片，食落少少爽亦都有海鮮味；而其他雜菜都炒得唔錯幾有鑊氣
🍴家嫂臘味飯
啲臘美同糯米飯嘅比例算唔錯，因為加咗臘美啲糯米飯都好有臘美嘅油香，配合得唔錯。
🍴甜品
甜品係紅棗糕，紅棗味好重而且煙煙韌韌咁，好好食。
最後埋單原來用雲閃付銀聯QE code俾錢滿$500會送返$50現金卷下次用😆一於用黎再encore💃🏻💃🏻💃🏻。
最後最欣賞呢度嘅開放式廚房，不但可以欣賞廚師烹調嘅功架，而且廚房內乾淨整潔，另客人食得非常安心😋。
Post
