Video
Read full review
2018-01-05
804 views
話說我呢一個日本迷最鍾意就係去食廚師發板嘅壽司㗎啦，但係次次食親都好鬼貴，今次個friend就推介我去食一間性價比超高嘅廚師發板壽司店，我哋點仲要好方便喺尖沙咀，唔使入到大西北先有得食。識得廚師發板當然要訂位啦，因為位置唔係好多，基本上都冇得就咁行入去食，但係估唔到我哋訂左位之後，入到去見到佢哋用紙仔接咗我哋個名出嚟，好窩心呀。佢哋嘅晚餐有幾個選擇，我今次就揀咗＄750嗰一set。食咗前菜先，個前菜都有好多唔同嘅款式啦，除咗有枝豆，玉子，茶漬八爪魚之外，仲有軟殼蟹卷，最特別嘅係佢又做咗一啲好似歐洲嘅肉醬，分別有雞肉包大葱，豬肉蔥卷，仲有個雞肉蘿蔔，好特別啊，好少喺亞洲地區食到呢啲，而且要花好多心思整，個味又配得啱啱好，食到好清新嘅感覺，冇乜落調味料，真正嘅食材味道，另外佢有個甜甜地嘅海藻，呢個超級好食，甜甜地又開胃，真係想買夠一樽返屋企慢慢㗳，另外有個好特別嘅係用咗紅色嘅柿包住芝士，出面真係食唔到，仲要好好食，每一次食廚師發板都係一次新奇有趣嘅體驗。食完前菜就食刺身啦，有池魚同埋鯛魚，兩樣都好新鮮，咬落重好有咬口添，最有趣嘅事佢陪左紫蘇苗同紫蘇花，可以夾住一齊食，紫蘇苗就有少少辣，紫蘇
識得廚師發板當然要訂位啦，因為位置唔係好多，基本上都冇得就咁行入去食，但係估唔到我哋訂左位之後，入到去見到佢哋用紙仔接咗我哋個名出嚟，好窩心呀。佢哋嘅晚餐有幾個選擇，我今次就揀咗＄750嗰一set。
食咗前菜先，個前菜都有好多唔同嘅款式啦，除咗有枝豆，玉子，茶漬八爪魚之外，仲有軟殼蟹卷，最特別嘅係佢又做咗一啲好似歐洲嘅肉醬，分別有雞肉包大葱，豬肉蔥卷，仲有個雞肉蘿蔔，好特別啊，好少喺亞洲地區食到呢啲，而且要花好多心思整，個味又配得啱啱好，食到好清新嘅感覺，冇乜落調味料，真正嘅食材味道，另外佢有個甜甜地嘅海藻，呢個超級好食，甜甜地又開胃，真係想買夠一樽返屋企慢慢㗳，另外有個好特別嘅係用咗紅色嘅柿包住芝士，出面真係食唔到，仲要好好食，每一次食廚師發板都係一次新奇有趣嘅體驗。
食完前菜就食刺身啦，有池魚同埋鯛魚，兩樣都好新鮮，咬落重好有咬口添，最有趣嘅事佢陪左紫蘇苗同紫蘇花，可以夾住一齊食，紫蘇苗就有少少辣，紫蘇花我食唔慣可以擺落去豉油嗰度，都可以增加香氣，呢個配搭可以令到個刺身嘅鮮味更加出，通常出面食池魚都會比個酸汁，但係呢度就唔使，都好有嗰隻魚味，食物嘅新鮮真係好重要。另外仲有一隻美人蠔，上面加左三文魚子，隔離仲有一杯紫蘇汁係配呢隻蠔嘅，之後雖然細細隻，但係超級甜，而果汁就有少少酸味，啱啱好吊起晒成隻蠔嘅鮮味，超級正。
之後食燒物同埋天婦羅，天婦羅有目光魚，青豆，番薯，最特別係出面冇食過目光魚，原來啲魚肉好滑，炸完裏面都仲好多汁，仲可以成條食晒，魚頭一啲都唔苦。另外配左少少甜甜地枝豆，第一次咁樣食枝豆，原來好好味㗎 ，好似糖咁樣，好開胃。熱燒物方面就有燒鰤魚，好濃烈嘅魚味，魚肉比較硬身，配埋蘿蔔食會有更清新嘅感覺。之後就到我哋今晚嘅主角，壽司出場啦。
鰤魚腩超肥美，味道帶甘，魚身比較硬，幾彈牙有咬口。
中拖羅
估唔到第二件已經係中拖羅，咁後面嗰啲一定更加好啦，中陀螺入口即溶，如有嘅香味有一入口開始滲出嚟。
金目鯛
平時我唔鍾意食魚皮嘅，但係今次師傅用火輕輕辣個喎個魚皮，好香好趣，魚肉好彈牙好有咬口同埋好新鮮。
甜蝦
個紫菜吹脆脆，第一次見咁樣包，一啲都冇黐住飯林晒，甜蝦真係甜到好似加左糖咁，好creamy ,將住個口，上面加番啲甜蝦子，成個賣相好精緻。
梳子魚第一次聽呢種魚，唔怪之得中拖羅都只係擺第二囉，師傅用火輕輕燒過，令到成個香味好出，呢款與有少少清新嘅甘香味，而且啲肉好綿，又唔係好重魚油會溶果一種，質感好特別。
凡立貝
上面已經加左醬油，同聲粒凡立貝嘅味道好襯，仲好大粒添，食落好新鮮，凍凍地咁樣舌頭為之一震。
左口魚
左口魚有佢獨特嘅鮮美，而且肉質好彈牙，有啲似河豚嘅質感。
海膽
海膽下面有飯，上面有三文魚子，成個海膽杯咁，啲海膽好重海水味，非常甘甜，一啲都唔腥。
最後飲埋個味增湯同埋有個好好食嘅炊飯，本來以為遠啦，點知原來仲有甜品，整個甜品真係好大份，有綠茶蕨餅，甜甜地好重綠茶味，士多啤梨好新鮮，甜度適中，另外仲有柚子雪芭，凍冰冰酸味味，好消滯。買單仲要唔使加一，最平嗰個餐只係＄650 ,平時食一個廚師發板起碼都＄1000落樓，仲要未必夠飽，呢度款式又多，而且一定食得飽，最緊要係啲質素絕對唔差，師傅識講英文又風趣幽默，真係值得再嚟食過。
Post
