潮福蒸氣石鍋 (Closed)

天氣一凍就會好想打邊爐，但因為屋企人原來都未試過食蒸氣火鍋，所以今次就黎潮福試吓。令到個蒸氣火鍋好抵食。任飲任食都係三百零蚊，仲要有海鮮同埋滋潤燉湯，簡直係超值！性價比好高。呢度啲海鮮其實一啲都唔平，行開去洗手間咁岩見到佢個市價牌，所以呢個餐真係好抵，仲要見到啲海鮮係啱啱攞上嚟好新鮮。海鮮新鮮唔使再講，任飲任食嘅推介當然係手打丸。蝦丸同埋鮮墨魚丸都Encore左好多次，佢每粒嘅份量啱啱好一口，不知不覺就食咗成廿幾粒。呢度嘅嘢飲都係另一個推介，特別係個竹䉀茅根水，可以降一降火。