Video
Read full review
2024-06-14
587 views
呢間係專做外賣店，經過見到價錢幾相宜！果子無骨海南雞飯，$35，大角咀嚟講呢個價錢性價比好高！雞肉好嫩滑，冇骨食得好開心，雞皮唔會好油，加埋三款醬汁有唔同口味個人最鍾意係佢嘅秘製醬汁超開胃！油飯香得來夠乾身唔會好膩，仲有一個跟湯，飲落咸度岩岩好，好清爽嘅冬瓜薏米湯，夏天消暑！海南雞飯雖然價錢咁平，但係質素都唔錯，伴碟嘅青瓜同生菜都保持到爽脆！雞飯佢有兩款，$35嘅海南雞飯係用黃油雞，貴啲嘅另一款文昌雞飯就係用走地雞，下次可以睇吓有咩分別🤣但係個人都幾滿意呢個海南雞飯覺得性價比好高！另外叫咗一個菜同埋酸辣鳳爪同朋友share, 幾鍾意佢嘅菜係輕手調味過，有另外豉油俾你點，可以控制咸度，如果健康啲可以直程唔落呀！鳳爪辣度嚟講係BB辣，基本上唔食得辣嘅人都可以食到，酸酸甜甜好開胃，鳳爪都幾彈牙入味朋友叫嘅係沙嗲串燒飯，50蚊有雞肉牛肉同豬肉三款各一，唔會食到怕悶，底下面仲有花生炸完10分香脆，魚乾仔都好香口，雖然只係外賣飯盒，但係都齊晒配料幾有心思！
呢間係專做外賣店，經過見到價錢幾相宜！
果子無骨海南雞飯，$35，大角咀嚟講呢個價錢性價比好高！雞肉好嫩滑，冇骨食得好開心，雞皮唔會好油，加埋三款醬汁有唔同口味個人最鍾意係佢嘅秘製醬汁超開胃！油飯香得來夠乾身唔會好膩，仲有一個跟湯，飲落咸度岩岩好，好清爽嘅冬瓜薏米湯，夏天消暑！海南雞飯雖然價錢咁平，但係質素都唔錯，伴碟嘅青瓜同生菜都保持到爽脆！雞飯佢有兩款，$35嘅海南雞飯係用黃油雞，貴啲嘅另一款文昌雞飯就係用走地雞，下次可以睇吓有咩分別🤣但係個人都幾滿意呢個海南雞飯覺得性價比好高！
另外叫咗一個菜同埋酸辣鳳爪同朋友share, 幾鍾意佢嘅菜係輕手調味過，有另外豉油俾你點，可以控制咸度，如果健康啲可以直程唔落呀！鳳爪辣度嚟講係BB辣，基本上唔食得辣嘅人都可以食到，酸酸甜甜好開胃，鳳爪都幾彈牙入味
朋友叫嘅係沙嗲串燒飯，50蚊有雞肉牛肉同豬肉三款各一，唔會食到怕悶，底下面仲有花生炸完10分香脆，魚乾仔都好香口，雖然只係外賣飯盒，但係都齊晒配料幾有心思！
Post
