Video
Read full review
2024-09-02
577 views
薄餅怪獸除咗出名薄餅皮薄餡靚，鬆軟酥脆之外，其實西餐都做得非常出色～而且價錢唔貴，性價比高，可以話係抗通脹學生哥平民恩物😋呢度有晚餐提供，套餐主菜嘢飲連餐湯都係約$60，最緊要係味道都唔錯～長通粉爽口彈牙，白汁香濃得來唔會太鹹，恰到好處，而且吞拿魚焗得好入味，令通粉吸收晒兩者嘅精華😍仲未夠飽？唔緊要！仲可以以超優惠價top up炸雞一件，只需$20就可以食到平時茶餐廳起碼要三四十蚊嘅炸雞，最緊要係炸得外脆內軟，仲能夠鎖住肉汁保持雞肉嫩滑，裏面又唔會太乾，呢下盡顯廚師嘅手藝～另外保持身體健康，梗係要多食蔬菜，所以嗌咗一份芝士焗西蘭花，菜蔬非常fresh ，咬落去索索聲多汁得來又冇乜渣，用埋芝士焗香佢，食到欲罷不能！總括而言，大家想食餐平靚正，不妨考慮一下薄餅怪獸～良心小店但水準都唔輸連鎖大牌子，唔單止價廉物美，最後仲送咗個甜品，咁抵食邊度搵🤩
呢度有晚餐提供，套餐主菜嘢飲連餐湯都係約$60，最緊要係味道都唔錯～長通粉爽口彈牙，白汁香濃得來唔會太鹹，恰到好處，而且吞拿魚焗得好入味，令通粉吸收晒兩者嘅精華😍
仲未夠飽？唔緊要！仲可以以超優惠價top up炸雞一件，只需$20就可以食到平時茶餐廳起碼要三四十蚊嘅炸雞，最緊要係炸得外脆內軟，仲能夠鎖住肉汁保持雞肉嫩滑，裏面又唔會太乾，呢下盡顯廚師嘅手藝～
另外保持身體健康，梗係要多食蔬菜，所以嗌咗一份芝士焗西蘭花，菜蔬非常fresh ，咬落去索索聲多汁得來又冇乜渣，用埋芝士焗香佢，食到欲罷不能！
總括而言，大家想食餐平靚正，不妨考慮一下薄餅怪獸～良心小店但水準都唔輸連鎖大牌子，唔單止價廉物美，最後仲送咗個甜品，咁抵食邊度搵🤩
Post
