臻味豬扒酸辣米線

Open Now

Now Closed

收工我突然間好掛住觀塘呢一間豬扒米線 搭埋車 嚟到已經兩點三 估唔到都仲係人頭湧湧 勉強先夾硬攝到一個位坐低 坐低照樣嗌例牌 豬扒酸辣紅薯粉少辣 唔使形容已經覺得好好食 呢碗嘢先38蚊 手板咁大嘅豬扒有三塊 醃過夜再炸到脆 碗野望落去唔係好辣 但係其實食下食下就感覺到啲麻辣走曬出嚟 佢啲酸味主要唔係用醋帶出嚟 係佢自己秘製嘅酸菜 唔鹹但係又酸又甜好惹味 因為我怕肥所以揀咗食紅薯粉 佢唔係扭紋紅薯粉 不過就一樣咁好食 花生都有炸過 亦都好多粒 大大碗先38蚊 老實講一個人真係食唔曬 我勉強食曬啲豬扒 粉就食咗少少 已經好飽 所以我次次都唔夠膽叫嘢飲 因為一定飲淨嘥曬