麵道 (Closed)

石門真係好多野食，呢間拉麵店長期好爆滿，石門地鐵站C出口一出就望到，所以特別吸引我地既眼球。係平日既晚上， 終於有機會啱唔洗點排隊，可以一嘗。因為太多人食，所以每款拉面都係有限量地供應，亦因為限量，所以質素都保持到好好既水準，本身好想食辣肉味拉麵，但太好賣了, 一早賣清光，我地只好揀左個濃厚醬油豚骨湯。▧ 濃厚醬油豚骨湯 （揀左個濃既湯底，加辣，滿足我地想食辣既慾望） ▫溏心蛋：我地一個有加溏心蛋，一個就無，溏心蛋水準正常。▫叉燒： 叉燒好大塊，做得好香，肥肉部份軟綿綿，入口即溶，唔太油膩，就算平時唔食肥膩野嘅我都完全無投訴。▫湯底： 我地湯底都一律叫濃味湯，有時係日本餐廳食拉麵，叫濃湯底雖然濃味，但相對超咸，食完都會忍唔住飲好多水，但呢一碗香濃得黎，唔會咸。湯底濃度高，很掛麵，但不會太油膩，恰到好處。叉燒超大塊，仲係一碗2塊，超足料！▧ 另外加$38小食套餐包括2款小食以及一杯飲品，非常抵嗌。揀咗蓮藕片，啤酒炸雞槌，日本啤酒。蓮藕片有清香柚子味清香，雞翼香口，日本啤酒不錯。▧ 整體來說，性價比超高，$80嘅拉麵算得上很高水準，到石門絕對可以一試，希望下次有機會試辣肉味拉麵。