村上居酒屋 (Closed)

平時行經村上居酒屋🏮都有留意到門口設計充滿日本風，於是今日放工同朋友過黎一試，順便聚舊。推開門口塊屏風布，餐廳座位入面都有屏風設計都令整體增添不少日本味道。餐牌上面款式多到唔知點揀，於是採取食小食為主，俾自己試多幾款食物。天婦羅蝦飯卷🍤原來周邊嘅飯係少少炸過，食落外表好香脆，但內裡壽司飯又好軟熟，雙重口感享受。之前未試過類似的飯卷，今次一試覺得好新鮮啊！有少少飯落肚之後就食左隻日本蠔，生蠔Size有拳頭👊🏻咁大，一啖放晒落口，咬落去係好順滑。我唔太食生蠔，但覺得呢隻生蠔都頗易入口，食得出有海水果種味道。任何菇類我都鍾意食，今次亦叫左燒鮮冬菇一試。其實都係一般冬菇，味道唔會話好驚艷，不過要燒得熟之餘，又要燒得唔乾身就真係好考師傅功力。呢度嘅燒物廚師就將燒冬菇處理得非常好👍🏻燒冬菇配埋啲醬汁和木魚，好juicy好味之後食嘅小食仲包括炸雞軟骨，不過略嫌炸粉有啲厚；燒芝士年糕熱辣辣上檯即刻食，芝士軟捻捻、煙煙韌韌，好味啊點都要有啲澱粉質落肚先夠飽，於是食份自家製魚湯烏冬作結。侍應特別叮囑話要趁熱食，因為魚湯底凍左可能會有少少腥的，好貼心哦！自家製湯底可能真係唔同啲，湯底好清甜，飲完湯都唔會口渴