Video
Read full review
2023-08-30
2565 views
是日喺尖沙咀返工嘅朋友帶左我黎StarVerse，唔講真係唔知尖沙咀中心三樓有間咁高質嘅西餐廳。佢本身係歌廳黎，晚上有現場樂隊又有跳舞池，今日食午餐就未開始了。店內相當濶落，冷氣十足坐得舒服，仲有個靚靚海景添。午餐menu$158有加一，包括餐湯、餐包、前菜、主菜、甜品同餐茶，而加好少午餐有晒成個full set啦，淨睇個價已經覺得抵🤭⭐是日餐湯南瓜湯香甜滑順，餐包烘熱過的，軟綿綿暖呼呼的👍⭐煙熏三文魚卷前菜有兩款揀，就一人要一樣吧。三文魚包住蔬菜，入口清新。⭐日式雞肉饅頭另一款炸鰻頭夾雞肉，中間仲夾左兩圈辣椒仔，微辣很惹味😋⭐香煎封門柳配炸薯仔朋友點了🐂牛作主菜，無須過量調味，直接煎香佢已食到濃濃的牛肉味，五成熟剛剛好，勁正喎😍⭐日式豬柳黃薑飯配日式味噌汁自己就揀有🐖豬為主菜，一大片豬柳同大量炒雜菌把下層的黃薑飯都遮住了，豬柳軟腍雜菌鮮味，黃薑飯軟軟彈彈的，香味十足但不辛口，份量仲意外地多，好飽肚呀😆⭐是日甜品甜品居然係🍰芝士蛋糕，正呀😍香口綿密好好食😍⭐熱奶茶意外地西餐廳都沖得出一杯正宗港式奶茶，茶香奶滑👍⭐凍咖啡朋友點的凍啡走甜，啡味甘香👍順帶一提～凍飲不用加錢。呢個價錢喺尖沙咀
佢本身係歌廳黎，晚上有現場樂隊又有跳舞池，今日食午餐就未開始了。
店內相當濶落，冷氣十足坐得舒服，仲有個靚靚海景添。午餐menu$158有加一，包括餐湯、餐包、前菜、主菜、甜品同餐茶，而加好少午餐有晒成個full set啦，淨睇個價已經覺得抵🤭
⭐是日餐湯
南瓜湯香甜滑順，餐包烘熱過的，軟綿綿暖呼呼的👍
⭐煙熏三文魚卷
前菜有兩款揀，就一人要一樣吧。三文魚包住蔬菜，入口清新。
⭐日式雞肉饅頭
另一款炸鰻頭夾雞肉，中間仲夾左兩圈辣椒仔，微辣很惹味😋
⭐香煎封門柳配炸薯仔
朋友點了🐂牛作主菜，無須過量調味，直接煎香佢已食到濃濃的牛肉味，五成熟剛剛好，勁正喎😍
⭐日式豬柳黃薑飯配日式味噌汁
自己就揀有🐖豬為主菜，一大片豬柳同大量炒雜菌把下層的黃薑飯都遮住了，豬柳軟腍雜菌鮮味，黃薑飯軟軟彈彈的，香味十足但不辛口，份量仲意外地多，好飽肚呀😆
⭐是日甜品
甜品居然係🍰芝士蛋糕，正呀😍香口綿密好好食😍
⭐熱奶茶
意外地西餐廳都沖得出一杯正宗港式奶茶，茶香奶滑👍
⭐凍咖啡
朋友點的凍啡走甜，啡味甘香👍順帶一提～凍飲不用加錢。
呢個價錢喺尖沙咀食到高質西餐，仲要有無敵海景，加上唔限時任坐，無度搵呀？抵到無野好講🤭聽店員講九月開始會有新menu同埋晏晝都有舞跳，期待～
Post
