新竹園軒

Open Now

Now Closed

朋友介紹我去咗尖沙咀漆咸道南一間新開嘅中菜館「新竹園軒」，菜式獨特，而且食物質素性價比甚高，有別於一般連鎖酒家千篇一律嘅味道和菜式。酸薑皮蛋皮蛋夠糖芯、晶瑩剔透、完全沒有澀味道，應該用了上等嘅皮蛋，而且酸薑份量頗多，啱晒我，配埋皮蛋一齊食，夠晒開胃。時令蟹粉翅金黃色嘅蟹粉翅已經十分吸睛，再聞到蟹膏嘅味道，真係無法抗拒。食落啖啖蟹膏、蟹肉和一疏疏嘅魚翅，用料十足，食完有啲罪惡感，但超滿足。黑椒脆薯牛柳粒其他酒樓都食過同一菜式，但依度係我食過最好味嘅一間。黑椒味香濃，但唔係得個辣字，牛柳粒有入口即溶嘅感覺，而且牛味濃郁，最初仲以為係和牛粒，問咗店員先知道唔係，呢個價錢來講真係超值。欖菜肉鬆四季豆四季豆翠綠，沒有煮得太腍，食落夠爽脆，肉鬆完全混入了欖菜嘅味道，用來送飯一流。乾燒伊麵簡單嘅菜式，最考廚師嘅功力，真係唔係間間做得好。呢一間伊麵食落唔太油，而且唔太乾身，伊麵軟硬度適中，鑊氣十足。原本諗住咁大碟，應該食唔晒，但最後都K.O.咗。