牛摩 (荃灣千色匯I) (Under Renovation)

❄️成個星期天氣都好凍，最好就係食🍲打邊爐暖暖個身!⛄️今日去到位於荃灣千色匯的牛摩，見佢啱啱重新裝修就試下佢啦。見人地外賣嘅牛好似好靚，所以我哋揀咗美國極品牛小排放題。我地坐嘅卡位十分寬敞，好多位放食品。餐廳中間有個鳥居，側邊除咗4個大雪櫃放飲品之外仲有果汁機、沙冰機、咖啡機同雪糕機，飲品甜品十分多選擇!講返正題，放題當然主角係牛啦。🥓🥓🥓我地食嘅極品牛小排睇見就流曬口水，肉色好靚，肉味濃厚。兩盆好快已經食完。湯底我地揀咗"博多美人骨膠原啫喱雞白湯"同蕃茄湯，佢用上枱時候係兩舊牛摩樣大啫喱，加熱後就慢慢溶化成雞白湯。雞白湯骨膠原十足。另外仲有一盆🦐🦑海鮮同丸奉上，海鮮鮮甜味美。牛丸就十分驚喜，原粒牛丸有重重牛味，咬開肉汁充滿口腔，非常推薦。仲有🧀🍡芝士牛丸都好特別，入面啖啖芝士可以拉絲。餐廳仲有好多蔬菜同打邊爐食品可以食，可惜無機會試下招牌牛摩飯，下次一定要再嚟!