鼎家喜筷 (Closed)

荃灣海之戀商場，有很多高貴西餐廳，不過，走上幾層，就會找到這家價錢親民，而愛玩小生覺得好味的中式餐廳！餐廳以「鼎家喜筷」作為品牌名，而且LOGO也是一個光頭伯伯，不知道跟那個TVB 鼎爺有沒有關係呢？打開餐廳，簡直包羅萬有呀！有經典的燒味，茶餐廳的小菜，更有窩夫甜品！不得了呀！今次跟朋友來主要食任食雞煲連火鍋，價錢都是每人二百蚊以內！抵食呀！可能因為平日夜晚，餐廳人數也不多，而我們就叫了BB辣，輕輕的辣椒味，加上醬汁，非常惹味呢！雞件都好足料，有雞髀、雞胸和雞頭，而且雞肉好有肉地，又大大粒，口感滑溜，BB辣醬汁，咸咸地又有少少辣，引起胃口呀！最後，我們多叫一次雞件呀！食完個雞煲之後，就請店員加湯水變成打邊爐啦！因為食了兩份雞件，已經開始食到有點飽肚，所以我們點了三款配料！我們點了時令蔬菜，蔬菜好新鮮，口感鮮爽，脆甜！此外，貢丸也是必點，豬肉、香菇份量平均，超有咬口呀！